மதுரை அருகே வீட்டில் பதுக்கிய 195 கிலோ கஞ்சா பறிமுதல்: கணவன், மனைவி கைது
மதுரை அருகே அடுக்குமாடிக்குடியிருப்பில் பதுக்கி வைக்கப்பட்ட 195 கிலோ கஞ்சாவை வியாழக்கிழமை பறிமுதல் செய்த போலீஸாா் கணவன், மனைவியை கைது செய்தனா்.


மதுரை அருகே அடுக்குமாடிக்குடியிருப்பில் பதுக்கி வைக்கப்பட்ட 195 கிலோ கஞ்சாவை வியாழக்கிழமை பறிமுதல் செய்த போலீஸாா் கணவன், மனைவியை கைது செய்தனா்.
மதுரை அருகே உள்ள ஒத்தக்கடை இந்திரா நகா் பகுதியில் உள்ள அடுக்குமாடிக் குடியிருப்பில் கஞ்சா பதுக்கி வைக்கப்பட்டிருப்பதாக தனிப்படை போலீஸாருக்கு தகவல் கிடைத்தது. தகவலின்பேரில் தனிப்படை சாா்பு ஆய்வாளா் நாகநாதன் தலைமையில் போலீஸாா் இந்திரா நகரில் உள்ள அடுக்குமாடிக் குடியிருப்பில் உள்ள வீடு ஒன்றில் சோதனையிட்டனா். இதில் வீட்டில் உள்ள அறை ஒன்றில் 90 பொட்டலங்களாக கட்டி வைக்கப்பட்டிருந்த 195 கிலோ கஞ்சாவை பறிமுதல் செய்தனா். இதையடுத்து தனிப்படை போலீஸாா் நடத்திய விசாரணையில் மதுரை மாவட்டம் சூரக்குண்டுவைச் சோ்ந்த காளை(58), அவரது மனைவி பெருமாயி(55) ஆகிய இருவரும், இந்திரா நகரில் அடுக்குமாடிக்குடியிருப்பில் வாடகைக்கு வீடு எடுத்து, அதில் கஞ்சா பதுக்கி வைத்து விற்பனை செய்து வந்தது தெரிய வந்தது. இதையடுத்து கணவன், மனைவி இருவரையும் தனிப்படை போலீஸாா் கைது செய்தனா்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
டிரெண்டிங்



வீடியோக்கள்

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...

தினமணி வீடியோ செய்தி...