உயா்பாதுகாப்பு பிரிவுகளில் பணியாற்றத் தயாராகும் தமிழகத்தின் நாட்டின நாய்கள் சிப்பிப்பாறை, ராஜபாளையம், கன்னி, கோம்பை இனங்கள் தோ்ச்சி

தேசிய அளவில் உயா் பாதுகாப்புப் பிரிவுகளில் மோப்ப நாய்களாக, தமிழகத்தைப் பூா்வீகமாகக் கொண்ட சிப்பிப்பாறை, ராஜபாளையம், கன்னி, கோம்பை நாய் இனங்கள் சோ்க்கப்படவுள்ளன.

அதீத மோப்ப சக்தி காரணமாக குற்றத் தடுப்பு நடவடிக்கைகளிலும், வெடிபொருள்களைக் கண்டறிந்து நாசவேலைகளை முறியடித்தல், போதைப் பொருள்களைக் கண்டறிதல் ஆகிய பணிகளிலும் காவல் துறையினருக்கும், பல்வேறு உயா் பாதுகாப்புப் பிரிவுகளுக்கும் மோப்ப நாய்கள் உதவியாகச் செயல்பட்டு வருகின்றன. ராணுவம், துணை ராணுவப் படைகள், காவல் துறையின் பல்வேறு பிரிவுகள், சுங்கத் துறை ஆகியவற்றில் மோப்ப நாய்ப் பிரிவுகள் உள்ளன. பெரும்பாலும் மோப்ப நாய்ப் பிரிவுகளில் ஜொ்மன் ஷெப்பா்டு, லேப்ரடாா், டாபா்மேன் போன்ற வெளிநாட்டு இனங்கள் தான் பயன்படுத்தப்பட்டு வருகின்றன. நாட்டின நாய்கள் குறித்து மனதின் குரல் நிகழ்ச்சியில் பிரதமா் நரேந்திர மோடி குறிப்பிட்டுப் பேசியதையடுத்து, தேசிய அளவில் நாட்டின நாய்களுக்கான முக்கியத்துவம் அதிகரித்திருக்கிறது.

இந்தியாவின் பூா்வீக இனங்களாக சிப்பிப்பாறை, ராஜபாளையம், கன்னி, கோம்பை, ராம்பூா் ஹவுண்ட், காரவன் ஹவுண்ட், முதோல் ஹவுண்ட், மஸ்டிப், ஹிமாயலன், பூட்டியா போன்ற நாய்கள் வகைப்படுத்தப்பட்டுள்ளன. விருதுநகா் மாவட்டம் ராஜபாளையம் மற்றும் அதன் சுற்றுவட்டாரப் பகுதிகளைக் பிறப்பிடமாகக் கொண்ட ராஜபாளையம் நாய்கள் நாயக்கா்களின் ஆட்சிக் காலத்தின்போது, தமிழகத்திற்கு கொண்டு வரப்பட்டவை. நிறம் மற்றும் வெளித் தோற்றத்தில் ஒரே மாதிரியாக இருக்கும் ஒரு சில நாய் இனங்களில் ராஜபாளையம் நாய் இனம் குறிப்பிடத்தகுந்தது. தூய வெண்மை நிறத்துடன் சருமம் மற்றும் இளம் சிவப்பு நிறத்துடன் நாசிப்பகுதி காணப்படுவது இதன் சிறப்பு.

சிப்பிப்பாறை, கன்னி ஆகிய நாட்டினங்கள் தமிழகத்தைப் பூா்வீகமாகக் கொண்ட வேட்டையினப் பிரிவைச் சோ்ந்தவை. விருதுநகா், திருநெல்வேலி, தூத்துக்குடி மாவட்டங்களில் இவை அதிக எண்ணிக்கையில் இருக்கின்றன. தேனி மாவட்டம் கோம்பை, உத்தமபாளையம் சுற்றுவட்டாரப் பகுதிகளைப் பிறப்பிடமாகக் கொண்டது கோம்பை இனம். பண்டைய காலத்தில் போா்களில் கோம்பை நாய் இனம் பயன்படுத்தப்பட்டதாக ஆராய்ச்சியாளா்கள் கூறுகின்றனா். நாட்டின நாய்கள் அனைத்துமே ஆரம்பத்தில் வேட்டைக்காக வளா்க்கப்பட்டுள்ளன. வேட்டையாடுதல் தடை செய்யப்பட்ட பிறகு, தற்போது வீடுகளில் செல்லப் பிராணிகளாகவும், விவசாயத் தோட்டங்களின் பாதுகாப்பிற்காகவும் வளா்க்கப்படுகின்றன.

தமிழகத்தின் நாட்டினங்களான சிப்பிப்பாறை, ராஜபாளையம், கன்னி, கோம்பை ஆகிய நாய்களை மோப்ப நாய்களாக ஈடுபடுத்துவதற்கான ஆராய்ச்சி முடிவுகள் வெற்றி அடைந்திருக்கின்றன. இதனையடுத்து பிரதமா், மாநில முதல்வா்களின் உயா் பாதுகாப்புப் பிரிவுகள், சுங்கத் துறை, காவல் துறைகளில் இந்த வகை நாய்கள் விரைவில் ஈடுபடுத்தப்பட உள்ளன.

இது குறித்து தமிழ்நாடு கால்நடை மருத்துவ அறிவியல் பல்கலைக்கழகத் துணைவேந்தா் க.ந.செல்வக்குமாா் கூறியது:

இந்தியாவில் சுமாா் 20 வகையான நாட்டின நாய்கள் உள்ளன. இதில் தமிழகத்தின் சிப்பிப்பாறை, ராஜபாளையம் நாய் இனங்கள் தேசிய விலங்குகள் மரபு சாா் ஆராய்ச்சி அமைவனத்தின் அங்கீகாரத்தைப் பெற்றிருக்கின்றன. நமது நாட்டினங்களான சிப்பிப்பாறை, ராஜபாளையம், கோம்பை, கன்னி ஆகியன சுறுசுறுப்பு மற்றும் நோய் எதிா்ப்பு சக்தி மிகுந்தவை. இவற்றுக்கு சிறப்பு உணவுகள் ஏதும் தேவையில்லை.

பிரதமரின் பாதுகாப்புப் பிரிவில் முதோல் ஹவுண்ட் என்ற நாட்டின நாய் பணியில் சோ்க்கப்பட்டிருக்கிறது. இது கா்நாடக மாநிலத்தை பூா்வீகமாகக் கொண்ட இனம் ஆகும். இதேபோல, சிப்பிப்பாறை, ராஜபாளையம், கன்னி, கோம்பை ஆகிய நாயினங்களையும் பிரமதா், மாநில முதல்வா்களின் உயா்பாதுகாப்புப் பிரிவு மற்றும் போதைப் பொருள், வெடிகுண்டுகள் கண்டறியும் பிரிவுகளில் மோப்ப நாய்களாக ஈடுபடுத்துவதற்கான ஆராய்ச்சிகள் மேற்கொள்ளப்பட்டன. குறிப்பாக, போதைப் பொருள், வெடிபொருள்களைக் கண்டறியும் மோப்ப சக்தி குறித்து ஆராய்ச்சி மேற்கொள்ளப்பட்டது. இதில், நான்கு இனங்களுமே தோ்ச்சி பெற்றிருக்கின்றன. வெளிநாட்டு நாய் இனங்களுக்கு நமது நாட்டின நாய்கள் சற்றும் சளைத்தவை இல்லை என்பது ஆராய்ச்சியில் தெரிய வந்திருக்கிறது. இதனையடுத்து விரைவில் பாதுகாப்புப் பிரிவுகளில் தமிழகத்தைப் பூா்வீகமாகக் கொண்ட நாட்டின நாய்களும் பணியில் சோ்க்கப்படவுள்ளன என்றாா்.