ராமேசுவரம் - செகந்திராபாத் சிறப்பு ரயில் சேவை நீட்டிப்பு

ராமேசுவரம் - செகந்திராபாத் விரைவு சிறப்பு ரயில் சேவை ஆகஸ்ட் வரை நீட்டிக்கப்படும் என, தெற்கு ரயில்வே அறிவித்துள்ளது.

இந்த ரயில் ஜூலை வரை இயக்கப்படும் என ஏற்கெனவே அறிவிக்கப்பட்டிருந்தது. தற்போது, மேலும் ஒரு மாதம் நீட்டிக்கப்பட்டுள்ளது.

அதன்படி, ராமேசுவரம் - செகந்திராபாத் விரைவு சிறப்பு ரயில் (07686) ராமேசுவரத்திலிருந்து ஆகஸ்ட் 4, 11, 18 ஆகிய வியாழக்கிழமைகளில் இரவு 11.55 மணிக்கு புறப்பட்டு, சனிக்கிழமை காலை 7.10 மணிக்கு செகந்திராபாத் சென்று சேரும்.

மறுமாா்க்கத்தில், செகந்திராபாத் - ராமேசுவரம் வாராந்திர விரைவு சிறப்பு ரயில் (07685) செகந்திராபாத்திலிருந்து ஆகஸ்ட் 2, 9, 16 ஆகிய செவ்வாய்க்கிழமைகளில் இரவு 9.25 மணிக்கு புறப்பட்டு, வியாழக்கிழமைகளில் அதிகாலை 3.10 மணிக்கு ராமேசுவரம் வந்து சேரும். இந்த ரயில்களுக்கான முன்பதிவு வெள்ளிக்கிழமை (ஜூலை 15) தொடங்கியுள்ளது.