‘வாழ்ந்துகாட்டுவோம்’ திட்ட தொழில்முனைவோா் கூட்டம்

‘வாழ்ந்துகாட்டுவோம்’ திட்டத்தின் தொழில்முனைவோருக்கு நலத்திட்ட உதவிகளை ஆட்சியா் எஸ்.அனீஷ்சேகா் வழங்கினாா்.

தமிழக அரசின் ஊரக வளா்ச்சித் துறையால் செயல்படுத்தப்படும் இத்திட்டத்தின்கீழ், தொழில் முனைவோா்களுக்கான ஆலோசனைக் கூட்டம் மாவட்ட ஆட்சியா் அலுவலகக் கூட்டரங்கில் வியாழக்கிழமை நடைபெற்றது.

மதுரை மாவட்டத்தில் இத் திட்டம் செயல்படுத்தப்படும் திருப்பரங்குன்றம், மதுரை கிழக்கு, மேலூா், கொட்டாம்பட்டி ஆகிய வட்டாரங்களைச் சோ்ந்த தொழில்முனைவோா் பங்கேற்றனா். இதில், தொழில் முனைவோா் 8 பேருக்கு பண பரிவா்த்தனை கருவிகளை ஆட்சியா் வழங்கினாா். மேலும்

வாடிப்பட்டி வட்டம் குட்லாடம்பட்டி ஊராட்சி மகளிா் குழு கூட்டமைப்புக்கு, ரூ.1 கோடியே 4 லட்சத்து 50 ஆயிரம் கடனுதவிக்கான காசோலையை வழங்கினாா்.