அலங்காநல்லூா், பாலமேடு, சோழவந்தான் பேரூராட்சித் தலைவா்கள் போட்டியின்றித் தோ்வு

அலங்காநல்லூா், பாலமேடு, சோழவந்தான் பேரூராட்சிகளின் தலைவா்கள் வெள்ளிக்கிழமை போட்டியின்றித் தோ்ந்தெடுக்கப்பட்டுள்ளனா்.

மதுரை மாவட்டத்தில் அலங்காநல்லூா், அ.வல்லாளபட்டி, எழுமலை, பாலமேடு, பரவை, பேரையூா், சோழவந்தான், தே.கல்லுப்பட்டி, வாடிப்பட்டி ஆகிய பேரூராட்சிகள் உள்ளன. இதில், பரவை பேரூராட்சியில் அதிமுக வாா்டு உறுப்பினா் கலா மீனா தலைவராகவும், ஆதவன் துணைத் தலைவராகவும் தோ்ந்தெடுக்கப்பட்டுள்ளனா்.

அலங்காநல்லூா் பேரூராட்சியில் உள்ள 15 வாா்டுகளில் திமுக 10, அதிமுக 1, காங்கிரஸ் 1, சுயேச்சை 3 வாா்டுகளில் வெற்றி பெற்றுள்ளன. திமுக சாா்பில் 4-ஆவது வாா்டு உறுப்பினா் ரேணுகா ஈஸ்வரி தலைவராகவும், 15 -ஆவது வாா்டு உறுப்பினா் சுவாமிநாதன் துணைத் தலைவராகவும் போட்டியின்றித் தோ்ந்தெடுக்கப்பட்டனா்.

பாலமேடு பேரூராட்சியின் 15 வாா்டுகளில் சுயேச்சைகள் 14 வாா்டுகளிலும், திமுக 1 வாா்டிலும் வெற்றி பெற்றுள்ளன. இதில், 7 ஆவது வாா்டு சுயேச்சை உறுப்பினா் சுமதி தலைவராகவும், 1 -ஆவது வாா்டு சுயேச்சை உறுப்பினா் ராம்ராஜ் துணைத் தலைவராகவும் போட்டியின்றித் தோ்ந்தெடுக்கப்பட்டனா்.

சோழவந்தான் பேரூராட்சியில் உள்ள 18 வாா்டுகளில் திமுக 8 வாா்டுகளிலும், அதிமுக 6, அமமுக 1 வாா்டிலும் வெற்றி பெற்றுள்ளன. ஆனால், தலைவா் பதவிக்கான தோ்தலில் அதிமுக வாா்டு உறுப்பினா்கள் பங்கேற்கவில்லை. இதனையடுத்து, 11- ஆவது வாா்டு திமுக உறுப்பினா் ஜெயராமன் தலைவராகவும், 18 ஆவது வாா்டு உறுப்பினா் லதா துணைத் தலைவராகவும் தோ்ந்தெடுக்கப்பட்டனா்.

வாடிப்பட்டி பேரூராட்சியில் உள்ள 18 வாா்டுகளில் திமுக 10 வாா்டுகள், அதிமுக 6, காங்கிரஸ் மற்றும் சுயேச்சை தலா 1 வாா்டில் வெற்றி பெற்றுள்ளன. தலைவா் பதவிக்கான தோ்தலில் திமுக சாா்பில் மு. பால்பாண்டியன், அதிமுக சாா்பில் அசோக்குமாா் ஆகியோா் போட்டியிட்டனா். இதில், 11 வாக்குகள் பெற்ற திமுகவின் பால்பாண்டியன் வெற்றி பெற்றாா். தொடா்ந்து, 17-ஆவது வாா்டு உறுப்பினா் காா்த்திக் துணைத் தலைவராகப் போட்டியின்றித் தோ்வு செய்யப்பட்டாா்.