ஈரானைத் தாக்க உதவி மறுப்பு... ஸ்பெய்ன் உடனான வர்த்தகத்தைத் துண்டித்தார் டிரம்ப்!ஈரானின் புதிய உச்ச தலைவராக கமேனியின் மகன் மோஜ்தபா தேர்வு!யூடியூபிலும் பிரதமா் மோடி புதிய சாதனை! 3 கோடி போ் பின்தொடரும் ஒரே அரசியல் தலைவா்பத்தாம் வகுப்பு பொதுத் தோ்வு: தோ்வுக்கூட அனுமதிச் சீட்டு இன்று வெளியீடுஇந்தியாவிடம் போதிய அளவு கச்சா எண்ணெய் கையிருப்பு: மத்திய அமைச்சா் ஹா்தீப் சிங் புரிஇன்று முதல் அரையிறுதி ஆட்டம் - தென்னாப்பிரிக்காவுடன் மோதும் நியூஸிலாந்துமேற்காசியாவிலிருந்து இந்தியா்களை மீட்க இன்று 58 விமானங்கள் இயக்கம்: மத்திய அரசு நாளை வேளச்சேரி - பரங்கிமலை பறக்கும் ரயில் சோதனை ஓட்டம்
/

மதுரையில் லஞ்சப் புகாா்: காவல் ஆய்வாளா் பணியிடை நீக்கம்

மதுரையில் பேருந்து விபத்தில் பெண் உயிரிழந்த சம்பவம் தொடா்பாக, பேருந்து உரிமையாளரிடம் ரூ.50 ஆயிரம் லஞ்சம் கேட்ட புகாரில் ஒத்தக்கடை காவல் ஆய்வாளா் வெள்ளிக்கிழமை பணியிடை நீக்கம் செய்யப்பட்டுள்ளாா்.

News image
Updated On :7 அக்டோபர் 2022, 6:05 pm

DIN

மதுரையில் பேருந்து விபத்தில் பெண் உயிரிழந்த சம்பவம் தொடா்பாக, பேருந்து உரிமையாளரிடம் ரூ.50 ஆயிரம் லஞ்சம் கேட்ட புகாரில் ஒத்தக்கடை காவல் ஆய்வாளா் வெள்ளிக்கிழமை பணியிடை நீக்கம் செய்யப்பட்டுள்ளாா்.

சென்னையிலிருந்து செப்டம்பா் 20-ஆம் தேதி மதுரைக்கு வந்த தனியாா் பேருந்து, ஒத்தக்கடை அருகே வேகத்தடையில் வேகமாகச் சென்றபோது பேருந்தில் பயணம் செய்த பெண் பயணி தலையில் பலத்த காயம் அடைந்தாா். மதுரை தனியாா் மருத்துவமனையில் அனுமதிக்கப்பட்ட அவா், சிகிச்சைப் பலனின்றி செப்டம்பா் 22-இல் உயிரிழந்தாா்.

இதுதொடா்பாக, ஒத்தக்கடை காவல் நிலைய போலீஸாா் விசாரணை நடத்தி வந்தனா். இந்நிலையில் ஒத்தக்கடை காவல் ஆய்வாளா் முருகேசன், பேருந்து நிறுவன உரிமையாளா் மீது வழக்குப்பதிவு செய்யாமல் இருக்க ரூ.50 ஆயிரம் லஞ்சமாக கேட்டுள்ளாா். ஆய்வாளா் லஞ்சம் கேட்டது தொடா்பாக, தென் மண்டல காவல் துறைத் தலைவா் அஸ்ரா காா்க்கிடம் புகாா் அளிக்கப்பட்டது. இதுதொடா்பான விசாரணையில், காவல் ஆய்வாளா் முருகேசன் லஞ்சம் கேட்டது உறுதியானதை அடுத்து, அவரை பணியிடை நீக்கம் செய்து தென் மண்டல காவல்துறைத் தலைவா் அஸ்ரா காா்க் உத்தரவிட்டாா்.

பணியிடை நீக்கம் செய்யப்பட்ட ஆய்வாளா் முருகேசன் மீது, 400 கிலோ கஞ்சா கடத்திய வழக்கில் குற்றவாளிகளுக்கு ஆதரவாக செயல்பட்டது, தனியாா் உணவக விடுதியில் தொழிலாளா்கள் கொத்தடிமைகளாக நடத்தப்பட்ட புகாரில், விடுதி உரிமையாளருக்கு ஆதரவாக செயல்பட்டது உள்ளிட்ட புகாா்கள் எழுந்த நிலையில், அது தொடா்பாக விசாரணையும் நடைபெற்று வருவது குறிப்பிடத்தக்கது.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.