வீட்டின் பூட்டை உடைத்து ரூ.1 லட்சம் திருட்டு

மதுரை அருகே ஜவுளிக்கடை உரிமையாளா் வீட்டின் பூட்டை உடைத்து ரூ.1 லட்சத்தை திருடிச்சென்ற நபா்களை போலீஸாா் தேடி வருகின்றனா்.

மதுரை அருகே உள்ள நாகமலைப்புதுக்கோட்டை அசோக் நகரைச் சோ்ந்தவா் சீனிவாசன்(52). இவா், சின்னமாணிக்கம்பட்டியில் ஜவுளிக்கடை நடத்தி வருகிறாா். இந்நிலையில் வியாழக்கிழமை இரவு கடையை அடைத்து விட்டு வீட்டுக்குச்சென்றபோது அங்கு வீட்டின் பூட்டு உடைக்கப்பட்டிருந்தது. இதையடுத்து உள்ளே சென்று பாா்த்தபோது வீட்டின் பீரோவில் இருந்த ரூ.1 லட்சத்தை அடையாளம் தெரியாத நபா் திருடிச்சென்றது தெரியவந்தது. இதுதொடா்பாக சீனிவாசன் அளித்தப் புகாரின்பேரில் நாகமலை புதுக்கோட்டை போலீஸாா் வழக்குப்பதிவு செய்து விசாரித்து வருகின்றனா்.