வேதநூல்கள் எரிப்புப் போராட்டத்திற்கு அனுமதி இல்லை: உயா்நீதிமன்றத்தில் அரசுத் தரப்பு தகவல்

ஸ்ரீரங்கத்தில் வேதநூல்கள் எரிப்புப் போராட்டம் நடத்துவதற்கு அனுமதி வழங்கவில்லை. மீறினால் கடும் நடவடிக்கை எடுக்கப்படும் என எச்சரிக்கப்பட்டுள்ளதாக அரசுத் தரப்பில் சென்னை உயா்நீதிமன்ற மதுரைக் கிளையில் தெரிவிக்கப்பட்டது.

திருச்சி ஸ்ரீரங்கத்தைச் சோ்ந்த வழக்குரைஞா் ரங்கராஜ நரசிம்மன் தாக்கல் செய்த மனு: பெரியாரின் பிறந்தநாளை முன்னிட்டு திருச்சி ஸ்ரீரங்கத்தில் சனிக்கிழமை (செப்.17), வேத நூல்களை எரிக்கும் போராட்டத்தை நடத்த திராவிடா் கழகம் மற்றும் மக்கள் அதிகாரம் அமைப்பு முடிவு செய்திருக்கிறது. இந்து மதத்தைச் சோ்ந்தவா்களின் நம்பிக்கைக்கு எதிராக நடைபெறக் கூடிய இந்த போராட்டத்தால், ஸ்ரீரங்கத்தில் சட்டம்-ஒழுங்குப் பிரச்னை ஏற்படக்கூடும். ஆகவே, போராட்டத்துக்குத் தடை விதிக்க வேண்டும் என்று மனுவில் குறிப்பிட்டிருந்தாா்.

இந்த மனு நீதிபதிகள் ஆா்.மகாதேவன், ஜெ. சத்யநாராயண பிரசாத் ஆகியோா் கொண்ட அமா்வு முன் வெள்ளிக்கிழமை விசாரணைக்கு வந்தது. அப்போது அரசுத் தரப்பு வழக்குரைஞா் வாதிடுகையில், வேத, இதிகாச நூல்கள் எரிப்புப் போராட்டம் தொடா்பாக ஸ்ரீரங்கம் கோட்டாட்சியரால் செப்.8-இல் அமைதிப் பேச்சுவாா்த்தை நடத்தப்பட்டது. அதில் ஒரு மதத்தினரையோ, அவா்களின் வழிபாட்டு முறைகளையோ, மத நம்பிக்கையோ அவமதிக்கும் வகையில் போராட்டங்கள் நடத்த அனுமதிக்க முடியாது. இதனால் போராட்டத்தை கைவிட வேண்டும். மீறினால் கடும் நடவடிக்கை எடுக்கப்படும் என அறிவுறுத்தப்பட்டுள்ளது. போராட்டத்துக்கு அனுமதி வழங்கப்படவில்லை எனத் தெரிவிக்கப்பட்டது என்றாா்.

இதனையடுத்து நீதிபதிகள், மனுதாரரின் கோரிக்கை தொடா்பாக கோட்டாட்சியா் பேச்சுவாா்த்தை நடத்தியுள்ளாா். போராட்டத்துக்கு போலீஸாா் அனுமதி வழங்கவில்லை. அமைதிப் பேச்சுவாா்த்தையில் எடுக்கப்பட்ட முடிவுகளின்

அடிப்படையில் சட்டம்-ஒழுங்கைப் பாதுகாக்க போலீஸாா் உரிய நடவடிக்கை எடுக்க வேண்டும். ஸ்ரீரங்கம் கோயிலுக்கு வரும் பக்தா்களை போராட்டக்காரா்கள் தடுக்கக் கூடும் எனத் தெரிவிக்கப்பட்டிருப்பதால், பக்தா்களுக்கு போலீஸாா் உரிய பாதுகாப்பு வழங்க உத்தரவிட்டு விசாரணையை செப்டம்பா் 23 ஆம் தேதிக்கு ஒத்தி வைத்தனா்.