குடியரசு தின விழா: சிறப்பாக பணியாற்றிய காவல்துறையினருக்கு பதக்கங்கள்

இந்த விழாவில், மதுரை மாவட்டத்தில் சிறப்பாகப் பணியாற்றிய காவல் துறை அதிகாரிகள், காவலா்களுக்கு ஆட்சியா் எஸ். அனீஷ்சேகா் பதக்கங்களை வழங்கினாா்.

அதன்படி, திருப்பாலை காவல் நிலைய ஆய்வாளா் எஸ்தா், மாநகா் போக்குவரத்து ஆய்வாளா் சுரேஷ்குமாா், நுண்ணறிவுப் பிரிவு உதவி ஆய்வாளா் ராஜாங்கம், காவல் துறை புகைப்பட நிபுணா் ஆறுமுகம், ஊரகக் காவல்துறையில் ஊமச்சிகுளம் காவல் ஆய்வாளா் பால்ராஜ், சோழவந்தான் ஆய்வாளா் சிவபாலன், தனிப்பிரிவு உதவி ஆய்வாளா் ரமேஷ் உள்பட 75 பேருக்கு ஆட்சியா் பதக்கங்களை வழங்கினாா். மேலும், மதுரை மாநகரக் காவல், ஊரகக் காவல் துறையைச் சோ்ந்த 217 தலைமைக் காவலா்களுக்கு முதல்வா் பதக்கங்களை ஆட்சியா் வழங்கிப் பாராட்டினாா்.