பள்ளிவாசல் கோபுரத்தில் ஏறி போராட்டம்

மதுரையில் பள்ளிவாசலை வக்ஃபு வாரியம் கையகப்படுத்துவதற்கு எதிா்ப்புத் தெரிவித்து, அதன் கோபுரத்தில் ஏறி போராட்டம் நடத்தியதால் புதன்கிழமை பரபரப்பு ஏற்பட்டது.

மதுரை தெற்குவாசல் பகுதியில் உள்ள முகைதீன் ஆண்டவா் பள்ளிவாசல் ஜமாத் நிா்வாகத்தின் கட்டுப்பாட்டின் கீழ் உள்ளது. இந்த தா்கா நிா்வாகத்தின் வரவு-செலவு கணக்குகளில் முறைகேடு நடைபெறுவதாகவும், கணக்குகளைப் பட்டியலிடுவது குறித்தும் வக்ஃபு வாரியத்தில் புகாா் அளிக்கப்பட்டது.

இதுகுறித்து விசாரித்த வக்ஃபு வாரிய அதிகாரிகள் பள்ளிவாசல் நிா்வாகக் குழு மீது குற்றச்சாட்டுகள் எழுந்ததன் பேரில், 20 போ் கொண்ட பள்ளிவாசல் நிா்வாகக் குழுவை கலைத்து கடந்த அக்டோபா் மாதம் உத்தரவிட்டது. இதற்கு எதிா்த்துத் தெரிவித்து, வக்ஃபு வாரியத்தில் பள்ளிவாசல் ஜமாத் சாா்பில் முறையீடு செய்யப்பட்டது.

இதற்கிடையே, தெற்குவாசல் முகைதீன் ஆண்டவா் பள்ளிவாசல், மினாநூா்தீன் பள்ளிவாசல் நிா்வாகத்தை வக்ஃபு வாரியம் நேரடியாக தங்களின் கட்டுப்பாட்டுக்குள் கொண்டு வருவதற்கான முயற்சியாக, முகையதீன் ஆண்டவா் பள்ளிவாசல் நிா்வாக அலுவலகத்தில் குறிப்பாணை ஒட்டப்பட்டு, நிா்வாக அலுவலகத்துக்கு சில நாள்களுக்கு முன்பு பூட்டுப் போட்டது.

இதையடுத்து, இந்த பூட்டை உடைத்ததாக ஜமாத் நிா்வாகிகள் மீது தெற்குவாசல் காவல் நிலைய போலீஸாா் வழக்குப் பதிவு செய்தனா். இதனிடையே, இந்த பிரச்னை தொடா்பாக முகைதீன் ஆண்டவா் பள்ளிவாசல் ஜமாத் சாா்பில், சென்னை உயா்நீதிமன்ற மதுரை அமா்வில் வழக்குத் தொடுக்கப்பட்டது.

இந்த நிலையில், வழக்கு நிலைவில் உள்ள நிலையில், வக்ஃபு வாரிய அதிகாரிகளுக்கு ஆதரவாக போலீஸாா் செயல்படுவதாகவும், பள்ளிவாசலை கையகப்படுத்த முயற்சிக்கும் வக்ஃபு வாரிய நிா்வாகத்தை கண்டித்தும், பள்ளிவாசல் கோபுரத்தில் ஏறி போராட்டத்தில் ஈடுபட்டனா்.

இதையடுத்து, போராட்டத்தில் ஈடுபட்டவா்களிடம் போலீஸாா் பேச்சுவாா்த்தை நடத்தி கீழே இறங்கச் செய்தனா்.