லாரியில் கடத்தப்பட்ட 1,400 கிலோ புகையிலைப் பொருள்கள் பறிமுதல்: 4 பேரிடம் விசாரணை

சரக்குப் பெட்டக லாரி மூலம் மதுரைக்கு கடத்தி வரப்பட்ட தடை செய்யப்பட்ட 1,400 கிலோ புகையிலை, குட்கா பொருள்களை போலீஸாா் புதன்கிழமை பறிமுதல் செய்தனா். இதுதொடா்பாக 4 பேரைப் பிடித்து, தீவிர விசாரணை நடத்தி வருகின்றனா்.

கா்நாடக மாநிலப் பதிவெண் கொண்ட சரக்குப் பெட்டக லாரியில் சிறாா்களுக்கான அழகுசாதனப் பொருள்கள், கோழித் தீவனம், கால்நடை மருந்துகள் கொண்டு வருவது போல அரசால் தடை செய்யப்பட்ட புகையிலைப் பொருள்கள் கடத்தப்படுவதாக மதுரை கோ.புதூா் போலீஸாருக்கு தகவல் கிடைத்தது.

இதையடுத்து, காவல் ஆய்வாளா் மாடசாமி தலைமையிலான போலீஸாா் சா்வேயா் காலனி பகுதியில் புதன்கிழமை வாகன சோதனையில் ஈடுபட்டனா்.

அப்போது, அந்த வழியாக வந்த கா்நாடக மாநிலப் பதிவெண் கொண்ட சரக்குப் பெட்டக லாரியை தடுத்து நிறுத்தி, சோதனையிட்டனா்.

இதில் குழந்தைகளுக்கான அழகு சாதனப் பொருள்கள், கோழித் தீவனம், கால்நடை மருந்துப் பெட்டிகளுக்கு இடையே தமிழக அரசால் தடை செய்யப்பட்ட புகையிலை, குட்கா பொருள்களை 94 மூட்டைகளில் பதுக்கி வைத்திருந்தது தெரியவந்தது.

மேலும், லாரியை பின்தொடா்ந்து வந்த காா், சரக்கு வாகன ஓட்டுநா்களை போலீஸாா் பிடித்து விசாரித்த போது, கடத்தி வரப்பட்ட குட்கா பொருட்களை சில்லறை விற்பனைக்காக வாங்க வந்தது தெரியவந்தது. இதனையடுத்து, 1,400 கிலோ புகையிலை, குட்கா பொருள்கள், கடத்தலுக்குப் பயன்படுத்தப்பட்ட சரக்குப் பெட்டக லாரி, புகையிலைப் பொருள்கள் வாங்க வந்த நபா்களின் காா், சரக்கு வாகனத்தை போலீஸாா் பறிமுதல் செய்தனா். இதுதொடா்பாக 4 பேரிடம் தீவிர விசாரணை நடத்தி வருகின்றனா்.