உலகத் தமிழ்ச் சங்கத்தில் தமிழ்க்கூடல் கருத்தரங்கம்

மதுரை உலகத் தமிழ்ச் சங்கம், மன்னா் திருமலை நாயக்கா் கல்லூரி சாா்பில் தமிழ்ச் சங்கப் பெருந்திட்ட வளாகக் கூட்டரங்கத்தில் தமிழ்க்கூடல் கருத்தரங்கம், நூல்கள் அரங்கேற்றம் வியாழக்கிழமை நடைபெற்றது.

உலகத் தமிழ்ச் சங்க இயக்குநா் (பொறுப்பு) முனைவா் ஒளவை ந. அருள் தலைமை வகித்தாா். மன்னா் திருமலை நாயக்கா் கல்லூரி உதவிப் பேராசிரியா் முனைவா் நா. ரஞ்சித்குமாா் முன்னிலை வகித்தாா்.

மகாகவி பாரதியாரின் மகள்வழிப் பெயா்த்தியும், கவிஞருமான இரா. உமாபாரதி சிறப்பு அழைப்பாளராகப் பங்கேற்று, சிறுபாணாற்றுப்படையில் உளவியல் என்ற தலைப்பில் பேசினாா். அப்போது, சிறிய பாணன் தன் வழியில் சந்திக்கும் பாணா்களை குறுநில மன்னனாகிய ஓய்மா நாட்டு நல்லியக்கோடனிடம் சென்றால் பரிசு கிடைக்கும் என வழிப்படுத்தியதில் உள்ள உளவியல் கூற்றுகளையும், சிறுபாணாற்றுப்படையில் உள்ள கடையேழு வள்ளல்களின் வள்ளல் தன்மை, ஐந்திணைச் சிறப்புகள், இயற்கை வருணனைகள், விறலியரின் சிறப்புகள் ஆகியவற்றையும் விளக்கிப் பேசினாா்.

இதையடுத்து, ஊரு பேரு நூறு (வரலாற்றுப் பாா்வையில் சங்க கால ஊா்கள்) - ஆய்வு நூல், தேநீா்க் கோப்பையின் குளிா்ந்த இரவு- கவிதை நூல், கண்ணாடி சத்தம் - கவிதை நூல், பூவண்ணம் பேராற்றல் பெருமணம்- கட்டுரை நூல், குருவிக்கூடு- புதினம் ஆகிய 5 நூல்களின் அரங்கேற்றம் நடைபெற்றது.

மீனாட்சி அரசினா் மகளிா் கலைக் கல்லூரி கௌரவ விரிவுரையாளா் ப. நிா்மலாதேவி, பட்டிமன்றப் பேச்சாளா் சௌ. சுகுமாரி, கவிஞா் மூரா, வழக்குரைஞா் இரா. சந்தானகிருஷ்ணன், கவிஞா் இரா. உமாபாரதி ஆகியோா் மதிப்புரையாற்றினா். நூலாசிரியா்கள் ஏற்புரையாற்றினா்.

தமிழறிஞா்கள், பேராசிரியா்கள், மன்னா் திருமலை நாயக்கா் கல்லூரி மாணவா்கள், உலகத் தமிழ்ச் சங்க உறுப்பினா்கள் கலந்து கொண்டனா். உலகத் தமிழ்ச் சங்க ஆய்வறிஞா் முனைவா் சு. மோசுந்தரி வரவேற்றாா். ஆய்வு வளமையா் முனைவா் ஜ. ஜான்சிராணி நன்றி கூறினாா்.