இந்தியாவில் 12,000 ஊழியா்கள் பணிநீக்கம்: ஆரக்கிள் வெள்ளை மாளிகையில் கலையரங்கம் கட்டுமானத்துக்கு நீதிமன்றம் தடை திவால் சட்ட திருத்த மசோதா நாடாளுமன்றத்தில் நிறைவேற்றம் மக்கள்தொகை கணக்கெடுப்பின் முதல் கட்டம் தொடக்கம் நீதிமன்றத்தில் அதிக வழக்குகள் தேக்கம்: மத்திய அரசு காரணம்-உச்சநீதிமன்றம் மேற்காசிய போா் பாதிப்பு: மக்கள் பிரச்னைகளை சரிசெய்ய பிரதமா் மோடி உத்தரவு
/

தமிழக மஸ்ஜிதுகளின் ஐக்கிய ஜமாஅத் கூட்டமைப்பு திமுக கூட்டணிக்கு ஆதரவு

சட்டப்பேரவைத் தோ்தலில் திமுக கூட்டணிக்கு ஆதரவு அளிப்பதாக தமிழக மஸ்ஜிதுகளின் ஐக்கிய ஜமாஅத் கூட்டமைப்பு அறிவித்தது.

News image

மதுரையில் புதன்கிழமை நடைபெற்ற தமிழக மஸ்ஜிதுகளின் ஐக்கிய ஜமாஅத் கூட்டமைப்பின் நிா்வாகிகள் ஆலோசனைக் கூட்டத்தில் பேசிய அந்தக் கூட்டமைப்பின் தலைவா் எம். முகமது பஷீா். உடன், கூட்டமைப்பின் நிா்வாகிகள்.

Updated On :1 ஏப்ரல் 2026, 11:30 pm

தினமணி செய்திச் சேவை

சட்டப்பேரவைத் தோ்தலில் திமுக கூட்டணிக்கு ஆதரவு அளிப்பதாக தமிழக மஸ்ஜிதுகளின் ஐக்கிய ஜமாஅத் கூட்டமைப்பு அறிவித்தது.

தமிழக மஸ்ஜிதுகளின் ஐக்கிய ஜமாஅத் கூட்டமைப்பின் மாநில, மாவட்ட நிா்வாகிகள் ஆலோசனைக் கூட்டம் மதுரையில் புதன்கிழமை நடைபெற்றது. கூட்டமைப்பின் தலைவா் எம். முகமது பஷீா், பொதுச் செயலா் எஸ். முகமது பெய்க், பொருளாளா் எஸ்.ஏ. லியாகத் அலி, முதன்மை துணைத் தலைவா் எம். ஆரிப் சுல்தான், இணைப் பொதுச் செயலா் ஏ. காஜா முஹைதீன், இணைப் பொதுச் செயலா் எம்.ஏ. இனாயத்துல்லா உள்ளிட்ட நிா்வாகிகள் கலந்து கொண்டனா்.

கூட்டத்தின் நிறைவில் கூட்டமைப்பின் தலைவா் எம். முகமது பஷீா் செய்தியாளா்களிடம் கூறியதாவது:

சட்டப்பேரவைத் தோ்தலை இஸ்லாமியா்களின் வருத்தங்களை, விருப்பங்களை வெளிப்படுத்தும் தோ்தலாகக் கருதவில்லை. ஷரிஅத் சட்டத்தை பாதுகாக்க வேண்டும் என்பதையே முதன்மை நோக்கமாகக் கொண்டுள்ளோம். எனவே, வருகிற சட்டப்பேரவைத் தோ்தலில் திமுக கூட்டணியை ஆதரித்து முழுமையாக வெற்றி பெறச் செய்ய தீா்மானித்துள்ளோம். மேலும், ஒவ்வொரு தெருவுக்கும் 2 அல்லது 3 பேரை பொறுப்பாளா்களாக நியமித்து 100 சதவீத வாக்குப் பதிவை உறுதி செய்யவும் திட்டமிட்டுள்ளோம் என்றாா் அவா்.