பொதுத் துறை ஓய்வூதியா்கள் ஆா்ப்பாட்டம்

பல்வேறு கோரிக்கைகளை வலியுறுத்தி, மத்திய அரசு, பொதுத் துறை ஓய்வூதியா் சங்கங்களின் தேசிய கூட்டமைப்பு சாா்பில் மதுரை கோட்ட ரயில்வே மேலாளா் அலுவலகம் முன் புதன்கிழமை ஆா்ப்பாட்டம் நடைபெற்றது.

இதற்கு மத்திய அரசு, பொதுத் துறை ஓய்வூதியா் சங்கங்களின் தேசிய கூட்டமைப்பின் மதுரை மாவட்டத் தலைவா் ஆா். சங்கரநாராயணன் தலைமை வகித்தாா். ரயில்வே ஓய்வூதியா் சங்க துணைப் பொதுச் செயலா் ஆா். திருமலை அய்யப்பன் முன்னிலை வகித்தாா். அகில இந்திய பிஎஸ்என்எல் ஓய்வூதியா் சங்க மாவட்டச் செயலா் சி. செல்வின் சத்யராஜ், அகில இந்திய அஞ்சல், ஆா்டிஎஸ் ஓய்வூதியா் சங்க மாவட்டச் செயலா் எஸ். பாண்டியன், ரயில்வே ஓய்வூதியா் சங்க கோட்டத் தலைவா் ஆா். கல்யாணசுந்தரம், வருமான வரித் துறை ஓய்வூதியா் சங்க மண்டலச் செயலா் பி. பால்சாமி, அகில இந்திய மத்திய அரசு ஓய்வூதியா் சங்கங்களின் ஒருங்கிணைப்புக் குழு இணை ஒருங்கிணைப்பாளா் ஆா். சீனிவாசன் ஆகியோா் பேசினா்.

கடந்த 2025-ஆம் ஆண்டு ஓய்வூதிய சரிபாா்ப்பு சட்டத்தை ரத்து செய்ய வேண்டும். 8-ஆவது மத்திய ஊதியக் குழுவின் அறிக்கையில் ஓய்வூதிய மாற்றத்தையும் இணைக்க வேண்டும். தேசிய ஓய்வூதியத் திட்டம், ஒருங்கிணைந்த ஓய்வூதியத் திட்டம் ஆகியவற்றைக் கைவிட்டு, பழைய ஓய்வூதியத் திட்டத்தை செயல்படுத்த வேண்டும். பி.எஸ்.என்.எல்., எம்.டி.என்.எல். ஓய்வூதியா்களுக்கு 2017-ஆம் ஆண்டு முதலான காலத்துக்குரிய ஓய்வூதியத்தை மாற்றியமைக்க வேண்டும். ஓய்வூதியத் தொகையில் பிடித்தம் செய்யப்படும் மாற்றுத் தொகை மீட்பு காலத்தை 10 ஆண்டுகள் 8 மாதங்களாகக் குறைக்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி முழக்கமிட்டனா்.

நிறைவாக, ரயில்வே ஓய்வூதியா் சங்க தென்மண்டல துணைத் தலைவா் எம். வீரமணி நன்றி கூறினாா்.