எம்.ஜி.ஆா். பிறந்த நாள்: அரசியல் கட்சியினா் மரியாதை

மதுரை: மறைந்த முன்னாள் முதல்வா் எம்.ஜி.ஆரின் 109 -ஆவது பிறந்த தினத்தை முன்னிட்டு, அவரது சிலை, உருவப் படத்துக்கு அரசியல் கட்சியினா், பொதுமக்கள் சனிக்கிழமை மாலை அணிவித்து மரியாதை செலுத்தினா்.

மதுரையில் உள்ள அதிமுக அலுவலகத்தில் நடைபெற்ற நிகழ்வில் முன்னாள் அமைச்சா் செல்லூா் கே. ராஜூ சிறப்பு விருந்தினராகக் கலந்து கொண்டு எம்.ஜி.ஆரின் உருவப் படத்துக்கு மாலை அணிவித்து மரியாதை செலுத்தினாா். தொடா்ந்து, பொதுமக்களுக்கு இனிப்புகள் வழங்கப்பட்டன. இதில், அதிமுக நிா்வாகிகள், உறுப்பினா்கள் திரளானோா் கலந்து கொண்டனா்.

இதேபோன்று, மதுரை மாநகராட்சி கே.கே.நகா் பகுதி, தெற்கு வாசல், ஜெய்ஹிந்த்புரம் உள்ளிட்ட பகுதிகளில் உள்ள எம்.ஜி.ஆரின் உருவச் சிலைகளுக்கு அந்தந்தப் பகுதிகளைச் சோ்ந்த அதிமுக கட்சி நிா்வாகிகள், தொண்டா்கள், பொதுமக்கள் என ஏராளமானோா் கலந்து கொண்டு மாலை அணிவித்து மரியாதை செலுத்தினா்.

சோழவந்தான் அருகேயுள்ள பாலகிருஷ்ணாபுரம் கிராமத்தில் நடைபெற்ற நிகழ்வுக்கு ஒன்றியச் செயலா் கணேசன் தலைமை வகித்தாா். சட்டப்பேரவை முன்னாள் உறுப்பினா்கள் மாணிக்கம், கருப்பையா ஆகியோா் முன்னிலை வகித்தனா். இதில், முன்னாள் அமைச்சரும், தமிழக சட்டப்பேரவை எதிா்க்கட்சித் துணைத் தலைவருமான ஆா்.பி. உதயகுமாா் சிறப்பு விருந்தினராகக் கலந்து கொண்டு எம்.ஜி.ஆரின் உருவப் படத்துக்கு மாலை அணிவித்து மரியாதை செலுத்தினாா். தொண்டா்களுக்கு இனிப்புகள் வழங்கப்பட்டன. இதில் கட்சி நிா்வாகிகள், தொண்டா்கள், பொதுமக்கள் திரளானோா் கலந்து கொண்டனா்.

வாடிப்பட்டியில் நடைபெற்ற நிகழ்வுக்கு அதிமுக பேரூா் கழகச் செயலா் அசோக்குமாா் தலைமை வகித்து, எம்.ஜி.ஆரின் உருவப் படத்துக்கு மாலை அணிவித்து மரியாதை செலுத்தினாா். இதைத் தொடா்ந்து, தொண்டா்களுக்கு இனிப்புகள் வழங்கப்பட்டன.

இதில் அதிமுக இலக்கிய அணி இணைச் செயலா் செந்தில்குமாா், நிா்வாகிகள் சந்தனத்துரை, தனசேகரன், முத்துக்கண்ணன் உள்ளிட்ட பலா் கலந்து கொண்டனா்.

இதேபோல, மதுரை மாவட்டம் முழுவதும் ஆங்காங்கே எம்.ஜி.ஆா். உருவப் படத்துக்கு மாலை அணிவித்து மரியாதை செலுத்தப்பட்டது.