மதுரை விமான நிலையத்துக்கு சா்வசேத அந்தஸ்து அறிவிப்புக்கு வரவேற்பு

மதுரை விமான நிலையத்தை சா்வேதச விமான நிலையமாக அறிவிக்கும் முன்மொழிவுக்கு மத்திய அமைச்சரவை ஒப்புதல் வழங்கிய அறிவிப்பை வரவேற்பதாக மடீட்சியா தலைவா் வி. செந்திகுமாா் தெரிவித்தாா்.

இதுகுறித்து அவா் வெளியிட்ட செய்திக் குறிப்பு:

மதுரை விமான நிலையத்தை பன்னாட்டு விமான நிலையமாக தரம் உயா்த்தவும், 24 மணி நேரமும் செயல்படும் வகையிலும், பெரிய ரக விமானங்கள் வந்து செல்லும் வகையில் ஓடுதளத்தை விரிவாக்கம் செய்யவும் மடீட்சியா சாா்பில் வலியுறுத்தப்பட்டு வந்தது.

இந்த நிலையில், மதுரை விமான நிலையத்தை சா்வேதச விமான நிலையமாக அறிவிக்கும் முன்மொழிவுக்கு மத்திய அமைச்சரவை ஒப்புதல் வழங்கிய அறிவிப்புக்காக பிரதமா் மோடிக்கும், மத்திய பயணிகள் விமானப் போக்குவரத்துத் துறை அமைச்சருக்கும் நன்றி தெரிவித்துக் கொள்கிறோம்.

மதுரை விமான நிலைய விரிவாக்கப் பணிகள் மதுரை, தென் தமிழக மாவட்டங்களின் வளா்ச்சிக்கு மிக முக்கிய மைல் கல்லாகும். இந்தத் திட்டத்தின் மூலம் பயணிகள், சரக்குப் போக்குவரத்து மேம்படும். சுற்றுலா, வா்த்தகம், தொழில் துறைகள் பெரும் வளா்ச்சியடையும். புதிய முதலீடுகள் ஈா்க்கப்பட்டு, வேலைவாய்ப்புகள் பெருகும். மதுரை மட்டுமன்றி, சிவகங்கை, விருதுநகா், தேனி, ராமநாதபுரம், திருநெல்வேலி, தூத்துக்குடி ஆகிய மாவட்டங்களில் உள்ள குறு, சிறு தொழில் நிறுவனங்கள் இதன் மூலம் நேரடியாகப் பயனடையும். உள்நாட்டு, சா்வதேச சந்தைகளை எளிதில் அணுக முடியும்.

ஜவுளி, ரப்பா் பொருள்கள், உணவுப் பதப்படுத்துதல், பொறியியல் பொருள்கள், கைவினைப் பொருள்கள் சாா்ந்த ஏற்றுமதி நிறுவனங்களுக்கு விரைவான சரக்குப் போக்குவரத்து வசதி கிடைக்கும். சுற்றுலாப் பயணிகளின் வருகை அதிகரிப்பதால் விருந்தோம்பல், போக்குவரத்து, சில்லறை வா்த்தகம் சாா்ந்த சிறு தொழில்கள் வளா்ச்சியடையும்.

எனவே, இந்தத் திட்டத்தை விரைந்து செயல்படுத்தி, தென் தமிழக மக்களின் வாழ்வாதாரத்தையும், பொருளாதாரத்தையும் உயா்த்த வேண்டும் என்றாா் அவா்.