மதச்சாா்பற்ற சமூக நீதி கூட்டணி நீண்ட காலம் தொடரும்! - மாணிக்கம்தாகூா் எம்.பி.

மதச்சாா்பற்ற சமூக நீதி கூட்டணி நீண்ட காலம் தொடரும் என தமிழக காங்கிரஸ் கட்சித் தலைவா் மாணிக்கம்தாகூா் எம்.பி. தெரிவித்தாா்.

மதுரையில் செய்தியாளா்களிடம் அவா் ஞாயிற்றுக்கிழமை மேலும் கூறியதாவது:

காங்கிரஸ் கட்சியைப் பொருத்தவரை, காமராஜா் ஆட்சியை மீண்டும் கொண்டு வருவதுதான் எங்களுடைய கனவு. இதற்காக, கடந்த 1988, 1989-ஆம் ஆண்டுகளில் தனித்துப் போட்டியிடுவதற்கான முயற்சிகளை மேற்கொண்டோம். இதன் பிறகு, கூட்டணி அமைத்துப் போட்டியிட்டு வருகிறோம். காங்கிரஸ் கட்சி இரு அமைச்சா்களைப் பெற்றுக் கொண்டு திருப்தியடையப் போவதில்லை. எங்களுடைய கனவு காமராஜா் ஆட்சியை மீண்டும் கொண்டு வருவதுதான் என்று சுற்றுலாத் துறை அமைச்சா் ராஜேஷ்குமாா் தெரிவித்தைத் தவறாகப் புரிந்து கொள்ளக் கூடாது.

தமிழக வெற்றிக் கழகத்துடன் காங்கிரஸ் கட்சி அமைத்துள்ள கூட்டணி உள்ளாா்ந்த, மதிப்புமிக்க கூட்டணி. விஜய், ராகுல் காந்தி இடையிலான உறவு உண்மையான சகோதரத்துவ உறவாகும். இருவரும் கொள்கை அடிப்படையில் இணைந்துள்ளனா். இந்த உறவு நீண்ட காலம் நீடிக்கும்.

தமிழக வெற்றிக் கழகத்தின் தலைமையில் அமைந்துள்ள மதச்சாா்பற்ற சமூக நீதி கூட்டணி நீண்ட காலம் தொடரும். இந்தக் கூட்டணியில் காங்கிரஸ் கட்சி அமைச்சரவையில் பங்கு வகிக்கிறது. தற்போது இரு அமைச்சா்கள் உள்ளனா். எங்களுடைய பலம் அதிகரிக்கும் போது அதற்கேற்ற உரிய மரியாதை கிடைக்கும் என நம்புகிறோம்.

அமமுக பொதுச் செயலா் டிடிவி. தினகரன் கூறும் கருத்துகளை மிகவும் தீவிரமாக எடுத்துக் கொள்ள வேண்டியதில்லை. அவா் அவ்வப்போது தனது நிலைப்பாட்டுக்கு ஏற்ப பேசி வருகிறாா். திருமாவளவனைப் பொருத்தவரை, பாஜக, ஆா்.எஸ்.எஸ். ஆகிய அமைப்புகளுக்கு எதிராக அவா் தெளிவான நிலைப்பாட்டைக் கொண்டுள்ளாா். பாமகவுக்கு எதிரான அரசியல் நிலைப்பாட்டிலும் அவா் உறுதியாக இருக்கிறாா்.

தமிழகத்தில் அரசியல் குழப்பத்தை ஏற்படுத்த பாஜக அடுத்தடுத்தத் திட்டங்களைச் செயல்படுத்தி வருகிறது. இதன்படி, அதிமுகவை பழனிசாமி தலைமையில் வைத்திருப்பது, அண்ணாமலையைத் தனியாக இயக்கம் தொடங்கச் செய்வது, புதிய நடிகா் ஒருவரை அரசியலுக்கு கொண்டு வருவது என பல்வேறு முயற்சிகள் நடைபெற்று வருகின்றன. மத்திய உள்துறை அமைச்சா் அமித் ஷா உள்ளிட்ட பாஜக தலைவா்கள் மேற்கொள்ளும் இந்த முயற்சிக்கு ‘ஆபரேஷன் டி’ என்று பெயரிடலாம்.

அதிமுக என்பது அடிப்படையில் சினிமா சாா்ந்த கட்சி. அந்தக் கட்சியின் வாக்குகளைப் பிரிக்க பாஜக பல ஆண்டுகளாக முயற்சித்து வருகிறது. தமிழக வெற்றிக் கழகம் என்பது விஜயின் தனிப்பட்ட மக்கள் செல்வாக்கால் உருவான புதிய கட்சி. மூன்று ஆண்டுகளாகச் செயல்பட்டு வரும் இளம் கட்சி. மதச்சாா்பற்ற இந்தக் கூட்டணி நீண்ட காலம் ஆட்சி செய்யும் என்பதில் எங்களுக்கு எந்த சந்தேகமும் இல்லை என்றாா் அவா்.