ராமநாதபுரத்தில் இன்று கடையடைப்பு

காவிரி மேலாண்மை வாரியம் அமைக்க வலியுறுத்தி ராமநாதபுரத்தில் வியாழக்கிழமை ஒரு நாள் மட்டும் கடையடைப்பு செய்ய திட்டமிட்டிருப்பதாக வர்த்தக சங்க தலைர் பா.ஜெகதீசன் புதன்கிழமை தெரிவித்துள்ளார்.
 இது குறித்து  அவர்  மேலும்  கூறியதாவது: காவிரி மேலாண்மை வாரியம் அமைக்க கோருதல், காவிரி நீரை தமிழகத்துக்கு தடையின்றி வழங்க வலியுறுத்துதல்  உள்ளிட்ட  கோரிக்கைகளை  நிறைவேற்ற  மத்திய  அரசை  வலியுறுத்தி  ராமநாதபுரத்தில்  வியாழக்கிழமை  கடையடைப்பு  செய்வது  என   நிர்வாகக் குழுக்  கூட்டத்தில்  முடிவு  செய்யப்பட்டுள்ளது. வியாழக்கிழமை காலை 6 மணி முதல் மாலை 6 மணி வரை வர்த்தகர்கள் கடையடைப்பு செய்ய இருப்பதால் பொதுமக்கள் இந்த சிரமத்தைப் பொறுத்துக் கொள்ளுமாறும் அவர் கேட்டுக் கொண்டுள்ளார்.
முதுகுளத்தூர்: முதுகுளத்தூரில் காவேரி மேலாண்மை அமைப்பதில் காலம் தாழத்தி வரும் மத்திய மாநில அரசுகளை கண்டித்து இன்று (வியாழக்கிழமை ) ஒரு நாள் மட்டும் முழு கடை அடைப்பு நடத்துவதாக வர்த்தக சங்க தலைவர் எஸ்.முத்துராமலிங்கம் தகவல் தெரிவித்துள்ளார்.