முதுகுளத்தூரில் சேதமடைந்துள்ள தரைப்பாலத்தை சீரமைக்கக் கோரிக்கை

முதுகுளத்தூரில் சேதமடைந்துள்ள  தரைப் பாலத்தைச் சீரமைக்க வேண்டும் என அப்பகுதியினர் கோரிக்கை விடுத்துள்ளனர்.
முதுகுளத்தூர்-தேரிருவேலி செல்லும் வழியில்  புதிரை வண்ணார் தெருவில் 50க்கும் மேற்பட்ட குடும்பங்கள் வசித்து வருகின்றனர். இங்கு கடந்த 3 ஆண்டுகளுக்கு முன்பு பிரதான சாலையில் இருந்து தெருவிற்கு செல்லும் வழியில் கால்வாய் இருப்பதால் அங்கு  தரைபாலம்  அமைக்கப்பட்டது. தற்போது அந்த தரைபாலம் சேதமடைந்துள்ளது. இதனால் பொது மக்களும் வாகன ஓட்டிகளும் இவ்வழியில் செல்ல முடியாமல் அவதிப்படுகின்றனர். இரவு நேரங்களில் சேதமடைந்த பாலத்தால் அதிகமான விபத்துகள் ஏற்படுகின்றன. எனவே சேதமடைந்துள்ள தரைப்பாலத்தை விரைவில் சீரமைக்க வேண்டுமென அப்பகுதி மக்கள் கோரிக்கை விடுத்துள்ளனர்.