ராமநாதபுரம் மாவட்டத்தில் 27 கூட்டுறவு சங்கங்களின் தேர்தல் ரத்து

ராமநாதபுரம் மாவட்டத்தில் நடைபெற்ற கூட்டுறவு சங்க தேர்தலில் 27 கூட்டுறவு சங்கங்களின் தேர்தல் ரத்து செய்யப்பட்டதாக மாவட்ட கூட்டுறவு சங்ககளின் ஆணையாளர் ராஜேந்திரன் அறிவித்துள்ளார்.
இது குறித்து அவர் திங்கள் கிழமை வெளியிட்ட அறிக்கையில் கூறியது:
   ராமநாதபுரம் மாவட்டத்தில் 2 துணை பதிவாளர்கள் வீதம் ராமநாதபுரத்தில் 45 ம், பரமக்குடியில் 84 என மொத்தம் 129 தொடக்க வேளாண்மை கூட்டுறவு சங்கங்கள் உள்ளன. இவற்றில் நீதிமன்ற வழக்குகள் உள்ள 27 கூட்டுறவு சங்கங்களுக்கு தேர்தல் ரத்து செய்யப்பட்டுள்ளது.  இதில் புகார் மனுக்களின் பேரில் பரமக்குடி துணை பதிவாளர் கட்டுப்பாட்டில் உள்ள கமுதி அருகே கோவிலாங்குளம், காத்தனேந்தல், முதுகுளத்தூர் அருகே சித்திரங்குடி, பிரப்பன்வலசை, அழகுமலையான் கைத்தறி நெசவாளர் கூட்டுறவு சங்கங்கள் என 5 கூட்டுறவு சங்கங்களுக்கு நடைபெற்ற தேர்தலை தேர்தல் ஆணையம் ரத்து செய்து உத்தரவிட்டுள்ளது. மேலும் தேர்தல் அலுவலர்களால் ஏர்.ஆர்.மங்கலம், பாரனூர், தும்படைக்கோட்டை, கொட்டகுடி, ஆர்.எஸ்.மங்கலம், வளமாவூர், பொதுவக்குடி, பெருங்கரை, தடுத்தலான்கோட்டை, விளத்தூர், பாம்பூர், வெங்கிட்டான்குறிச்சி,  மென்னந்தி, எஸ்.வி.மங்கலம், ஏ.புனவாசல், மேலக்கிடாரம், செவல்பட்டி, பூக்குளம், நரிப்பையூர், கே.பாப்பாங்குளம் ஆகிய 20 கூட்டுறவு சங்கங்கள், பாரபட்சமாக தேர்தல் நடத்தபட்டதாக கண்டறியப்பட்டுள்ளது. மேலும் மைக்கேல்பட்டணம், நிலமழகியமங்கலம் ஆகிய 2 கூட்டுறவு சங்கங்கள் என 27 கூட்டுறவு சங்கங்களுக்கு நடைபெற்ற தேர்தல் ரத்து செய்யபட்டுள்ளது. மீதமுள்ள கூட்டுறவு சங்கங்களில் தலைவர், இயக்குநர்களுக்கான தேர்தல் அறிவிப்பை விரைவில் வெளியிட உள்ளதாக மாநில கூட்டுறவு சங்கங்களின் ஆணையர் ராஜேந்திரன் அதில் தெரிவித்துள்ளார்.