பெருநாழியில் மக்கள் தொடர்பு முகாம்

கமுதி அருகே பெருநாழியில் புதன்கிழமை நடைபெற்ற மக்கள் தொடர்பு திட்ட முகாமில் 81 பயனாளிகளுக்கு ரூ. 7 லட்சம் மதிப்பிலான நலத்திட்ட உதவிகள் வழங்கப்பட்டன.
   முகாமில் மாவட்ட துணை ஆட்சியர் (சமூக பாதுகாப்பு நலத்துறை) காளிமுத்து தலைமை வகித்தார். கமுதி வட்டாட்சியர் முருகேசன் முன்னிலை வகித்தார். முகாமில் முதியோர், விதவை, கணவனால் கைவிடப்பட்டோர், ஊனமுற்றோர் உதவி தொகை, இலவச வீட்டு மனைப் பட்டா, ஊனமுற்றோருக்கான சைக்கிள்கள், விவசாயக்கருவிகள் என 81 பயனாளிகளுக்கு, ரூ.7 லட்சம் மதிப்பிலான நலத்திட்ட உதவிகள் வழங்கபட்டன. 
முகாமில் சமூக பாதுகாப்பு திட்ட வட்டாட்சியர் மரகதமேரி வரவேற்றார்.  மண்டல துணை வட்டாட்சியர் தென்னரசு, வருவாய் ஆய்வாளர் ரமேஷ் உட்பட  ஏராளமான பொதுமக்கள் பங்கேற்றனர்.