தொண்டி அருகே கன்டெய்னர் லாரி கவிழ்ந்தது

ராமநாதபுரம் மாவட்டம்  தொண்டி- மதுரை தேசிய நெடுஞ்சாலையில் கன்டெய்னர் லாரி செவ்வாய்க்கிழமை கவிழ்ந்து விபத்துக்குள்ளானது.
திருச்சியில் இருந்து உப்பூர் அனல் மின் நிலையத்திற்கு இரும்புக் குழாய்கள் ஏற்றிச் சென்ற கன்டெய்னர் லாரி, தொண்டி அருகே பழயனக்கோட்டை விலக்கில் திடீரென கவிழ்ந்தது.  இதில் யாருக்கும் காயம் ஏற்படவில்லை. இதனால்  சிறிது நேரம் போக்குவரத்து பாதித்தது. 
தகவலறிந்து திருவாடானை வட்டாட்சியர் சேகர், தொண்டி போலீஸார் ஆகியோர் சம்பவ இடத்திற்கு சென்று போக்குவரத்தை சீர் செய்தனர். இந்த விபத்து குறித்து தொண்டி போலீஸார் வழக்குப்பதிவு செய்து விசாரித்து வருகின்றனர்.