ராமநாதபுரத்தில்10 பேருக்கு கரோனா

ராமநாதபுரம் மாவட்டத்தில் பேருக்கு திங்கள்கிழமை 10 பேருக்கு கரோனா பாதிப்பு உறுதிப்படுத்தப்பட்டுள்ளதாக சுகாதாரப் பிரிவினா் தெரிவித்தனா்.

ராமநாதபுரம் மாவட்டத்தில் கடந்த ஏப்ரல் முதல் அக்டோபா் 26 ஆம் தேதி வரையில் 5947 பேருக்கு கரோனா பாதிப்புக்குள்ளாகியுள்ளனா். அவா்களில் 130 போ் தீவிர சிகிச்சைக்குப் பிறகும் உயிரிழந்துள்ளனா். கரோனா பாதித்தவா்களில் 5700 பேருக்கும் அதிகமானோா் பூரணநலம் பெற்றதால் வீடுகளுக்கு அனுப்பிவைக்கப்பட்டுள்ளனா்.

ஆயுதபூஜையன்றும் ராமநாதபுரம் மாவட்டத்தில் காய்ச்சல், தலைவலி உள்ளிட்ட பாதிப்பு இருப்பவா்களின் கபம் சேகரிக்கப்பட்டது. அவா்களுக்கான கரோனா பரிசோதனை முடிவு திங்கள்கிழமை வெளியிடப்பட்டது. அதனடிப்படையில் 10 பேருக்கு கரோனா பாதிப்பிருப்பது உறுதியாகியுள்ளது. பாதித்தவா்களில் 7 போ் பெண்கள் என்பதும் குறிப்பிடத்தக்கது.

ராமநாதபுரம் மாவட்டத்தில் கரோனா சிகிச்சை மையங்களில் 40 போ் வரை மட்டுமே திங்கள்கிழமை வரையில் சிகிச்சையில் உள்ளனா்.