திருவாடானை அரசுக் கலைக்கல்லூரியில் ஆக.23 முதல் மாணவா் சோ்க்கை கலந்தாய்வு

திருவாடானை அரசுக் கலை மற்றும் அறிவியல் கல்லூரியில் மாணவ, மாணவிகள் சோ்க்கைக்கான கலந்தாய்வு ஆகஸ்ட் 23 ஆம் தேதி முதல் 25 ஆம் தேதி வரை நடைபெறும் என கல்லூரி முதல்வா் அ.மாதவி தெரிவித்தாா்.

இதுகுறித்து அவா் சனிக்கிழமை வெளியிட்டுள்ள செய்திக்குறிப்பு விவரம்: திருவாடானை அரசுக் கலை மற்றும் அறிவியல் கல்லூரியில் 2021-22 ஆம் ஆண்டிற்கான முதலாம் ஆண்டு மாணவ, மாணவிகள் சோ்க்கைக்கு, இணைய வழியாக விண்ணப்பித்தவா்களுக்கு ஆகஸ்ட் 23 ஆம் தேதி காலை 10 மணிக்கு சிறப்பு ஒதுக்கீடுகளுக்கான சோ்க்கை கலந்தாய்வு நடைபெறும். இதேபோல் அன்றைய தினம் பகல் 12 மணிக்கு பிஎஸ்சி (விஸ்காம்), பிஎஸ்சி (கணினி அறிவியல்), பிஎஸ்சி (கணிதம்), ஆகஸ்ட் 24 ஆம் தேதி காலை 10 மணிக்கு பி.காம் தமிழ் மற்றும் ஆங்கில வழி, 25 ஆம் தேதி காலை 10 மணிக்கு பிஏ( தமிழ்), பிஏ (ஆங்கிலம்) இணைய வழியாக விண்ணப்பித்த மாணவ, மாணவிகள் அனைவரும் உரிய சான்றிதழ்களுடன் வருகை தந்து கலந்தாய்வில் பங்கேற்க வேண்டும் என கேட்டுக்கொண்டுள்ளாா்.

மேலும் இணைய வழியாக விண்ணபிக்காதவா்கள் தற்போது கல்லூரியில் சேர வருப்பம் உள்ள மாணவா்கள், ஒரு வெள்ளைத்தாளில் கல்லூரியில் சேருவதற்கான விண்ணப்பத்துடன் உரிய மாற்றுச் சான்று , மதிப்பெண் பட்டியல், ஜாதிச் சான்று, வருமானச் சான்று நகல் இணைத்து நேரில் கொண்டு வந்து கொடுக்க வேண்டும். அவா்களின் சோ்க்கை விபரம் அவா்களுடைய செல்லிடபேசிக்குத் தகவல் தெரிவிக்கப்படும் எனத் தெரிவித்துள்ளாா்.