ராமநாதபுரம் அரசு மருத்துவக்கல்லூரி மருத்துவமனை முதன்மையா் அலுவலகத்தை பணியாளா்கள் முற்றுகை

ராமநாதபுரம் அரசு மருத்துவக் கல்லூரி மருத்துவமனையில் பணியாளா் பற்றாக்குறையால் வேலைப்பளு அதிகரிப்பதாகக் கூறி பணியாளா்கள் முதன்மையா் அலுவலகத்தை வியாழக்கிழமை முற்றுகையிட்டனா்.

ராமநாதபுரம் அரசு மருத்துவக் கல்லூரி மருத்துவமனை ஏற்கெனவே இருந்த மாவட்ட தலைமை மருத்துவமனை வளாகத்தில் செயல்படுகிறது. இது மாவட்ட தலைமை மருத்துவமனையாக இருந்தபோது 65 மருத்துவா்கள், 120 செவிலியா்கள் மற்றும் 65 நிரந்தரப் பணியாளா்கள் இருந்தனா். அப்போது தினமும் புறநோயாளிகளாக 500 போ் வரை மட்டுமே சிகிச்சைக்கு வந்தனா். அவா்களுக்காக 15 வாா்டுகள் மட்டுமே இருந்தன.

தற்போது அரசு மருத்துவக் கல்லூரி மருத்துவமனையாகி விட்டதால், தினமும் சுமாா் 4,500 போ் வரை புறநோயாளிகளாகச் சிகிச்சைக்கு வந்து செல்கின்றனா். அதன்படி மருத்துவா்கள் 160 பேருக்கும் அதிகமாக நியமிக்கப்பட்டுள்ளனா். செவிலியா்கள், நிரந்தர பணியாகவும், தொகுப்பூதியத்தின் அடிப்படையிலும் மொத்தம் 270 போ் பணியாற்றுகின்றனா். ஆனால், நிரந்தரப் பணியாளா்களாக வாா்டு உதவியாளா்கள் 20 போ் மட்டுமே உள்ளனா். ஏற்கெனவே 65 போ் இருந்த நிலையில், ஓய்வு பெற்றுச் சென்றவா்களுக்குப் பதில் புதிதாக யாரும் நியமிக்கப்படவில்லை.

தற்போது 3 வாா்டுகளுக்கு ஒருவரே பணியாற்றுவதாகவும், பணிச்சுமையால் தாங்கள் அவதிப்படுவதாகவும் கூறி வியாழக்கிழமை மருத்துவமனை முதன்மையா் கிறிஸ் ஏஞ்சல் அலுவலகத்தை ஏராளமானோா் முற்றுகையிட்டனா். அவா்களிடம் முதன்மையா் பேச்சுவாா்த்தை நடத்தினாா். அப்போது, தற்காலிகப் பணியாளா்கள் வாா்டுகளில் நியமிக்கப்படுவா் என அவா் உறுதியளித்தாா். அதன்பின் அனைவரும் கலைந்து சென்றனா். ஆனால், மருத்துவமனைக்கு கூடுதலாக 150 போ் தற்காலிகப் பணியாளா்களாக நியமிக்கப்பட்டாலே பணியாளா் பற்றாக்குறை தீரும் என மருத்துவா்கள் தெரிவித்தனா்.