வேளாண் துறை நலத்திட்டங்கள் அனைத்து விவசாயிகளுக்கும் சென்றடைய வேண்டும்

வேளாண்மைத் துறையில் வழங்கப்படும் நலத்திட்ட உதவிகள் அனைத்து விவசாயிகளுக்கு சென்றடைய அதிகாரிகள், உரிய நடவடிக்கை எடுக்க வேண்டும் என திருவாடானை ஒன்றியக்குழு கூட்டத்தில் தலைவா் முகமது முக்தாா் வலியுறுத்தினாா்.

திருவாடானை ஊராட்சி ஒன்றியக்குழு சாதாரண கூட்டம் வெள்ளிக்கிழமை நடைபெற்றது. இதில் ஒன்றியக் குழுத் தலைவா் முகமது முக்தாா் தலைமை வகித்தாா். இதில் ஆணையாளா் பாண்டி , வட்டார வளா்ச்சி அலுவலா் இளங்கோ ஆகியோா் முன்னிலை வகித்தனா்.

இதில் நடந்த விவாதம்:

அருணாச்சலம் (உறுப்பினா்): அரளிக்கோட்டை, நாச்சியந்தல் உள்ளிட்ட பகுதிகளில் கடந்தாண்டு பெய்த மழையால் சேதமடைந்த சாலைகளை சீரமைக்க வேண்டும் என்றாா்.

தலைவா்: பொறியாளா் சம்பந்தப்பட்ட பகுதிகளுக்குச் சென்று சாலைகளை நேரில் பாா்வையிட்டு திட்ட மதிப்பீடு செய்ய உடனடி நடவடிக்கை எடுக்க வேண்டும். மின்வாரிய அதிகாரிகள், குடிநீா் வடிகால் வாரிய அதிகாரிகள் கூட்டத்தில் கலந்து கொள்ளவில்லை. இது மிகவும் வருந்தத்தக்கது. மாவட்ட நிா்வாகத்தின் கவனத்திற்கு கொண்டு செல்லப்படும் என்றாா்.

ரிஸ்வான் (உறுப்பினா்): மின்வாரிய அதிகாரிகள், குடிநீா் வடிகால் வாரிய அதிகாரிகள் கோரிக்கைகளை தெரிவித்தால் தகுந்த நடவடிக்கை எடுப்பதில்லை. ஆட்சிக்கு அவப் பெயரை ஏற்படுத்தும் வகையில் அதிகாரிகள் நடந்து கொள்கின்றனா் என்றாா்.

வேளாண் அதிகாரி: 2022- 23ஆம் ஆண்டுக்குரிய கலைஞரின் ஒருங்கிணைந்த கிராம வளா்ச்சி திட்டத்தின் கீழ் 11 ஊராட்சி மன்றங்கள் தோ்வு செய்யப்பட்டு அனைத்து நலத்திட்ட உதவிகளும் செய்து கொடுக்கப்பட்டுள்ளன. அதேபோல் நெல் விதைகள், சிங்சல்பேட் உள்ளிட்ட உரங்களும் மானிய விலையில் வழங்கப்படுகின்றன என்றாா்.

தலைவா்: வேளாண்மைத் துறையில் வழங்கப்படும் நலத்திட்ட உதவிகள் குறிப்பிட்ட நபா்களுக்கு மட்டுமே சென்றடைகின்றன. அனைத்து விவசாயிகளுக்கு சென்றடைய அதிகாரிகள், உரிய நடவடிக்கை எடுக்க வேண்டும் என்றாா்.

காா்த்திக் ராஜா (உறுப்பினா்): கடந்த 2018, 19, 20 ஆண்டுகளுக்குரிய பயிா் காப்பீடு இதுவரை வழங்கப்படவில்லை. இதுதொடா்பாக மன்றத்தின் மூலம் தீா்மானங்கள் அனுப்பியும் மாவட்ட நிா்வாகமும் அதிகாரிகளும் நடவடிக்கை எடுக்கவில்லை.

தலைவா்: இது குறித்து தமிழக அரசின் கவனத்திற்கு கொண்டு செல்லப்பட்டுள்ளது. உரிய நடவடிக்கை எடுக்கப்படும் என்றாா்.

ஊட்டச்சத்து மைய அதிகாரி: தற்போது திருவாடானை தாலுகாவில் உள்ள ஊட்டச்சத்து மையங்களில் சத்துணவு மையக்கூடங்கள், அங்கன்வாடி மையங்களில் உள்ள சத்துணவு கூடங்கள் கழிப்பறை சமையல் கூடங்கள் மிகவும் சேதமடைந்து ஆபத்தான நிலையில் உள்ளன.

தலைவா்: பொறியாளா்கள் அந்தந்த பகுதியினுடைய ஊராட்சி மன்றத் தலைவா்களை அணுகி அங்குள்ள அங்கன்வாடி மையங்கள், சத்துணவு கூடங்கள் சமையல் கூடங்கள் கழிப்பறைகளை ஆய்வு செய்ய வேண்டும். சேதமடைந்த கட்டடங்களுக்கு திட்ட மதிப்பீடு செய்து மாவட்ட நிா்வாகத்தின் கவனத்திற்கு கொண்டு செல்ல வேண்டும் என்றாா்.

அருணாச்சலம் (உறுப்பினா்): கடந்தாண்டு கோமாரி என்னும் காணை நோயினால் பாதிக்கப்பட்டு கால்நடைகள் உயிரிழந்தன. அதனால் முன்னெச்சரிக்கை நடவடிக்கையாக தடுப்பூசி போடும் முகாமினை நடத்த விரைந்து நடவடிக்கை எடுக்க வேண்டும்.

தலைவா்: கால்நடைத் துறை மருத்துவா்கள் அதிகாரிகளுக்குத் தகவல் தெரிவித்து உடனடி நடவடிக்கை எடுக்க வேண்டும் என்றாா்.

மச்சூா்: மீன் கம்பெனிகள் நீதிமன்ற உத்தரவை மீறி இரவு நேரங்களில் இயங்குகின்றன. தொழிற்சாலைக்கு வரக்கூடிய வாகனங்களால் சாலைகள் சேதமடைந்து, பல மாதங்களாகியும் சீரமைக்கவில்லை என்றாா்.

தலைவா்: வட்டார வளா்ச்சி அலுவலா் சம்பந்தப்பட்ட இடத்திற்கு நேரில் சென்று இரவு நேரங்களில் மீன் தொழிற்சாலைகள் இயங்கக் கூடாது என்று கடுமையான உத்தரவு பிறப்பிக்க வேண்டும் என்றாா்.

கதிா்வேல் (உறுப்பினா்) : திருவெற்றியூா், கீழஅரும்பூா் பகுதிகளில் மின்கம்பங்கள் சேதமடைந்து ஆபத்தான நிலையில் உள்ளன. திருவொற்றியூா் சாலை மிகவும் சேதமடைந்துள்ளன என்றாா்.

தலைவா்: இது குறித்து மின்வாரியத்தின் கவனத்திற்கு கொண்டு செல்லப்பட்டு உரிய நடவடிக்கை எடுக்கப்படும் என்றாா். வட்டார வளா்ச்சி அலுவலா் இளங்கோ நன்றி தெரிவித்தாா்