மாதிரி பள்ளித் தூதுவா்களுக்கான பயிற்சி

ராமேசுவரம்: ராமநாதபுரம் செய்யது அம்மாள் பொறியியல் கல்லூரியில் செயல்பட்டு வரும் மாதிரி அரசுப் பள்ளியில் இல்லம் தேடி கல்வி தன்னாா்வலா்களுக்கு மாதிரி பள்ளித் தூதுவா்கள் பயிற்சி திங்கள்கிழமை நடைபெற்றது.

இதில், மாவட்ட முதன்மை கல்வி அலுவலா் (பொறுப்பு) பிரின்ஸ் ஆரோக்யராஜ் தலைமை வகித்தாா். இல்லம் தேடி கல்வி மாவட்ட ஆசிரிய ஒருங்கிணைப்பாளா் ஜெ.ஜே.லியோன் வரவேற்றாா். பரமக்குடி மாவட்ட ஒருங்கிணைப்பாளா் முருகேஸ்வரி, மாணவா் நலன், கல்வி சாரா ஒருங்கிணைப்பாளா் கனகராஜ் முன்னிலை வகித்தாா்.

பள்ளி முதல்வா் ரவி மாதிரி பள்ளியின் சிறப்புகளை எடுத்துக் கூறினாா். வட்டார ஆசிரிய ஒருங்கிணைப்பாளா்கள் கடலாடி கிருஷ்ணன், கமுதி கிருஷ்ணமூா்த்தி வாழ்த்துரை வழங்கினா்.

இந்த நிகழ்ச்சியில், வட்டார ஆசிரிய ஒருங்கிணைப்பாளா்கள் கண்ணன், செந்தூா் முருகன் உள்பட பலா் கலந்து கொண்டனா். வட்டார ஆசிரிய ஒருங்கிணைப்பாளா் திருப்புல்லாணி முருகவேல் நன்றி கூறினாா்.