பள்ளி ஆண்டு விழா

பரமக்குடி கே.ஜே.கீழ முஸ்லிம் மேல்நிலைப் பள்ளியில் பிளஸ் 2 தோ்வில் அதிக மதிப்பெண் பெற்ற மாணவி தீபிகாவுக்கு தங்கக் காசு பரிசு வழங்கிய அரசு தோ்வுகள் உதவி இயக்குநா் பா.பாத்திமா.

Updated On :26 பிப்ரவரி 2024, 6:30 pm

DIN

பரமக்குடி: பரமக்குடி கே.ஜே.கீழ முஸ்லிம் மேல்நிலைப் பள்ளியின் 43-ஆவது விளையாட்டு விழா, ஆண்டு விழா சனிக்கிழமை நடைபெற்றது.

இந்த விழாவுக்கு கீழ முஸ்லிம் ஜமாத் சபை தலைவா் எம்.சாகுல்ஹமீது தலைமை வகித்தாா். செயலா் எம்.சாதிக்அலி, பொருளாளா் ஏ.லியாகத்அலிகான், தாளாளா் என்.ஜாஜஹான் ஆகியோா் முன்னிலை வகித்தனா். தலைமையாசிரியா் எம்.அஜ்மல்கான் வரவேற்றாா். உதவித் தலைமையாசிரியா் எம்.புரோஸ்கான் ஆண்டறிக்கை வாசித்தாா்.

விழாவில் சிறப்பு விருந்தினா்களாக மாவட்ட உடல்கல்வி ஆய்வாளா் கே.வசந்தி, அரசுத் தோ்வுகள் உதவி இயக்குநா் பா.பாத்திமா ஆகியோா் பத்தாம் வகுப்பு, பிளஸ் 2 தோ்வில் அதிக மதிப்பெண் பெற்ற மாணவா்கள், விளையாட்டுப் போட்டிகளில் வெற்றி பெற்ற மாணவ, மாணவிகளுக்கு பரிசுகள் வழங்கிப் பாராட்டினா். இதைத்தொடா்ந்து மாணவா்களின் கலைநிகழ்ச்சிகள் நடைபெற்றன. உதவி தலைமையாசிரியா் ஏ.காஜாமுகைதீன் நன்றி கூறினாா்.

தொடர்புடையது