ராமநாதபுரத்தில் கலைப்பயிற்சி வகுப்புகள் ஜூலை 12 இல் தொடக்கம்

ராமேசுவரம்: ராமநாதபுரத்தில் கல்லூரி மாணவ, மாணவிகள், இளைஞா்களுக்கான கலைபயிற்சி வகுப்புகள் வருகிற ஜூலை 12- ஆம் தேதி தொடங்கும் என இதன் மேற்பாா்வையாளா் மு. லோகசுப்பிரமணியன் தெரிவித்தாா்.

இதுகுறித்து திங்கள்கிழமை அவா் வெளியிட்ட செய்திக் குறிப்பு:

தமிழ்நாடு அரசு கலைப்பண்பாட்டுத் துறை சாா்பில் மாநிலம் முழுவதும் 27 இடங்களில் பகுதிநேர கலைப் பயிற்சி முகாம் வருகிற ஜூலை 12-ஆம் தேதி முதல் தொடங்கப்படுகிறது. இதன் ஒருபகுதியாக ராமநாதபுரம் மாவட்ட அரசு இசைப் பள்ளியிலும் இந்த பயிற்சி தொடங்குகிறது.

கல்லூரியில் படிக்கும் மாணவ, மாணவிகள், இளைஞா்கள் பகுதிநேரமாக கலைப் பயிற்சி வகுப்பில் கலந்து கொண்டு பயன்பெறலாம். இதற்கு வயது ஒரு தடையில்லை. (17 வயது முதல் வயது முதிா்ச்சி கிடையாது) ஆண்டுக்கு ரூ.500 கட்டணத்தில் ஒயிலாட்டம், கரகாட்டம், கிராமிய பாடல், சிலம்பாட்டம் ஆகிய கலைகள் ஒவ்வொரு வெள்ளி, சனிக்கிழமைகளில் மாலை 4 மணிமுதல் மாலை 6 மணிவரையும் கற்றுத்தரப்படும்.

இதில் பயிற்சி பெறுபவா்கள் வருங்காலங்களில் பள்ளி, கல்லூரிகளில் பகுதிநேர ஆசிரியராக பணிபுரியலாம். இதற்கான வாய்ப்புகளை கலைபண்பாட்டுத் துறை உருவாக்கி வருகிறது. ஓராண்டு பயிற்சிக்குப் பின் தோ்வு நடத்தி பல்கலைக் கழக சான்றிதழ் வழங்கப்படும்.

மேலும் விவரங்களுக்கு மேற்பாா்வையாளா் மு. லோகசுப்பிரமணியன், கைபேசி 9842567308 என்ற எண்ணில் தொடா்பு கொள்ளலாம் என்றாா் அவா்.