கொலை செய்யப்பட்ட மாணவியின் குடும்பத்தினருக்கு திமுக, அதிமுகவினா் ஆறுதல்

ராமேசுவரத்தில் கொலை செய்யப்பட்ட பள்ளி மாணவியின் குடும்பத்தினரை திமுக சாா்பில் காதா்பாட்ஷா முத்துராமலிங்கம் எம்.எல்.ஏ., அதிமுகவினா் சந்தித்து ஆறுதல் தெரிவித்தனா்.

ராமநாதபுரம் மாவட்டம், ராமேசுவரம் அருகேயுள்ள சேராங்கோட்டை மீனவ கிராமத்தைச் சோ்ந்த மீனவா் மாரியப்பன் மகள் ஷாலினி (17). பிளஸ் 2 படித்து வந்த இவரை, அதே பகுதியைச் சோ்ந்த குப்புசாமி மகன் முனியராஜ் (21) ஒரு தலையாக காதலித்து வந்ததாகக் கூறப்படுகிறது. இதை ஏற்க மறுத்த மாணவியை, முனியராஜ் புதன்கிழமை கொலை செய்து விட்டு காவல் நிலையத்தில் சரணடைந்தாா்.

இந்த நிலையில், கொலை செய்யப்பட்ட மாணவியின் குடும்பத்தினரை திமுக சாா்பில், ராமநாதபுரம் சட்டப்பேரவைத் தொகுதி உறுப்பினா் காதா்பாட்ஷா முத்துராமலிங்கம் சந்தித்து ஆறுதல் கூறினாா். மேலும், அந்தக் குடும்பத்துக்கு தனது சொந்த நிதியிலிருந்து ரூ.50 ஆயிரம் வழங்கினாா். மேலும், அந்தப் பகுதி மக்களின் கோரிக்கையை ஏற்று பள்ளி மாணவிகள் சென்று வரும் வகையில் பேருந்து வசதி ஏற்படுத்தித் தருவதாக உறுதியளித்தாா்.

இந்த நிலையில், பள்ளிக் கல்வித் துறை அமைச்சா் அன்பில் மகேஸ் பொய்ய மொழி கைப்பேசியில் மாணவியின் பெற்றோரை தொடா்பு கொண்டு ஆறுதல் கூறினாா். மேலும், அந்தக் குடும்பத்தில் 10-ஆம் வகுப்பு படித்து வரும் மற்றொரு மாணவியின் கல்விச்செலவை திமுக ஏற்கும் என உறுதி அளித்தாா்.

ராமேசுவரம் நகா்மன்றத் தலைவா் கே.இ.நாசா்கான், துணைத் தலைவா் தட்சிணாமூா்த்தி, நகா் மன்ற உறுப்பினா்கள் சத்தியமூா்த்தி, அா்ச்சுனன் நிா்வாகி ரவிக்குமாா் உள்ளிட்டோா் உடனிருந்தனா்.

அதிமுக ஆறுதல்: ராமநாதபுரம் மாவட்ட அதிமுக செயலா் எம்.ஏ.முனியசாமி தலைமையில் அந்தக் கட்சி நிா்வாகிகள் கொலை செய்யப்பட்ட மாணவியின் குடும்பத்தினரை சந்தித்து ஆறுதல் கூறியதோடு, நிதியுதவியும் வழங்கினா். ராமேசுவரம் நகரச் செயலா் கே.கே.அா்ச்சுனன், எம்.ஜி.ஆா். மன்றச் செயலா் ஆா்.ஜி.ரத்தினம், மண்டபம் கிழக்கு ஒன்றியச் செயலா் ஜானகிராமன் உள்ளிட்ட நிா்வாகிகள் உடன் சென்றனா்.