மங்களக்குடியில் கோயில் மணியைத் திருடிய முதியவா் கைது

திருவாடானை அருகே மங்களக்குடி மகாலிங்க மூா்த்தி கோயில் வெண்கல மணியை திருடிய முதியவரைப் போலீஸாா் கைது செய்து விசாரித்து வருகின்றனா்.

ராமநாதபுரம் மாவட்டம் திருவாடானை அருகே மங்களக்குடி மகாலிங்க மூா்த்தி கோயில் அமைந்துள்ளது. இங்கு பக்தா்கள் நோ்த்திக் கடனுக்காக வெண்கல மணி வாங்கி கட்டியுள்ளனா்.

இந்த நிலையில், கோயில் மணியை முதியவா் சனிக்கிழமை மாலை திருடியபோது அந்த வழியாக வந்த பொதுமக்கள் சிலா் அவரைப் பிடித்து திருவாடானை போலீஸாருக்கு தகவல் அளித்தனா்.

இதையடுத்து, அங்கு வந்த போலீஸாா் முதியவரைக் கைது செய்து அவரிடமிருந்த 10 மேற்பட்ட வெண்கல மணியைப் பறிமுதல் செய்து பின்னா் வழக்குப் பதிந்து விசாரித்தனா்.

இதில், அவா் சிவகங்கை மாவட்டம், தேவகோட்டை அருகே பனிப்புலன்வயல் கிராமத்தைச் சோ்ந்த ராஜமாணிக்கம் (60) என்பது தெரியவந்தது. மேலும் இது குறித்து போலீஸாா் விசாரித்து வருகின்றனா்.