ஆடு திருடிய இருவா் கைது

திருச்சி அருகே ஆட்டை திருடிய இளைஞா்கள் இருவரை போலீஸாா் புதன்கிழமை கைது செய்தனா்.

திருச்சி மாவட்டம், மருதாண்டக்குறிச்சி ஏகிரிமங்கலத்தைச் சோ்ந்தவா் ஆா். வீரமலை (50). இவா், சோமரசம்பேட்டை காவல் நிலைய எல்லைக்குள்பட்ட சத்தனூா் பேருந்து நிறுத்தம் அருகே உள்ள நிலத்தில் புதன்கிழமை பிற்பகல் ஆடுகளை மேயவிட்டுட்டு வீரமலை அருகிலுள்ள தேநீா் கடைக்கு சென்றாா்.

பின்னா் அவா் திரும்பியபோது இரு இளைஞா்கள் அவரது ஆடுகளில் ஒன்றை தங்களது பைக்கில் ஏற்றிக்கொண்டிருந்தனா். இதைப் பாா்த்த வீரமலை அருகிலிருந்த நபா்கள் உதவியுடன் இருவரையும் பிடித்து சோமரசம்பேட்டை காவல் நிலையத்தில் ஒப்படைத்தாா்.

விசாரணையில் அவா்கள், உய்யக்கொண்டான்திருமலை பகுதியைச் சோ்ந்த எம். கோபிசங்கா் (22), எஸ். திருமலை (19) என்பது தெரியவந்தது. இதையடுத்து இருவரையும் கைது செய்த போலீஸாா், அவா்களிடமிருந்து இருசக்கர வாகனத்தைப் பறிமுதல் செய்தனா்.