கல்லூரியில் போதைப் பொருள் பயன்பாடு தடுப்பு விழிப்புணா்வு

ராமநாதபுரம் அருகே உள்ள செய்யது அம்மாள் கலை, அறிவியல் கல்லூரியில் போதைப் பொருள் பயன்பாடு தடுப்பு விழிப்புணா்வு நிகழ்ச்சி செவ்வாய்க்கிழமை நடைபெற்றது.

நிகழ்ச்சிக்கு, கல்லூரி முதல்வா் பாலகிருஷ்ணன் தலைமை வகித்தாா். சிறப்பு விருந்தினராக ராமநாதபுரம் மாவட்ட காவல் கண்காணிப்பாளா் ஜி.சந்தீஷ் கலந்துகொண்டு போதைப் பொருளுக்கு அடிமையான ஒரு இளைஞரின் உண்மை சம்பவத்தை காணொளி மூலம் மாணவா்களுக்கு காண்பித்தாா். போதைப் பழக்கத்துக்கு உள்ளானால் குடும்ப உறவுகளில் ஏற்படும் பாதிப்புகள் குறித்தும் இறுதியில் குற்றச் செயல்களில் ஈடுபட்டு தண்டனைகளுக்கு உள்ளாகும் சுழல் நேரிடும். இதனால், போதைப் பழக்கத்தை முற்றிலும் தவிா்க்க வேண்டும் எனக் கேட்டுக்கொண்டாா்.

சிறப்பு விருந்தினருக்கு கல்லூரியின் தாளாளா் செல்லத்துரை அப்துல்லா, செய்யது அம்மாள் மெட்ரிக் மேல்நிலைப் பள்ளியின் தாளாளா் ராஜாத்தி அப்துல்லா ஆகியோா் நினைவுப் பரிசு வழங்கினாா். இதில், செய்யது அம்மாள் அறக்கட்டளை உறுப்பினா் சனாஸ், பரூக் அப்துல்லா ஆகியோா் நன்றி தெரிவித்தனா்.

இந்த நிகழ்ச்சியில், பேராசிரியா்கள், கல்லூரி மாணவா்கள் திரளாகக் கலந்து கொண்டனா்.