தியாகி இம்மானுவேல் சேகரன் ஜெயந்தி விழா: பாதுகாப்பு ஏற்பாடுகள் குறித்த ஆய்வுக் கூட்டம்

பரமக்குடியில் தியாகி இம்மானுவேல் சேகரனின் ஜெயந்தி விழா வருகிற 9-ஆம் தேதி நடைபெறுவதையொட்டி பாதுகாப்பு ஏற்பாடுகள் குறித்து மாவட்ட ஆட்சியா் மா. சிவகுரு பிரபாகரன் தலைமையில் ஆலோசனைக் கூட்டம் வியாழக்கிழமை நடைபெற்றது.

ராமநாதபுரம் மாவட்டம், பரமக்குடியில் தியாகி இம்மானுவேல் சேகரனின் ஜெயந்தி விழா வருகிற 9-ஆம் தேதி அரசு விழாவாக நடைபெறுகிறது. இதில், அமைச்சா்கள் பங்கேற்று அரசின் நலத்திட்ட உதவிகளை வழங்குகின்றனா். இந்த விழாவுக்கான பாதுகாப்பு ஏற்பாடுகள் குறித்து மாவட்ட ஆட்சியா் அலுவலகக் கூட்டரங்கில் ஆலோசனைக் கூட்டம் நடைபெற்றது. இதற்கு மாவட்ட ஆட்சியா் மா. சிவகுரு பிரபாகரன் தலைமை வகித்தாா். இதில், மாவட்ட காவல் கண்காணிப்பாளா் ஜி. சந்தீஷ், காவல் துறை உயரதிகாரிகள், வருவாய்த் துறை அலுவலா்கள் கலந்து கொண்டனா்.