சாலையில் மழைநீா் தேக்கம்: வாகன ஓட்டுநா்கள் அவதி

ராமநாதபுரம் மாவட்டம், திருவாடானையில் சாலையில் மழைநீா் தேங்கியுள்ளதால் வாகன ஓட்டுநா்கள் அவதிக்குள்ளாகி வருகின்றனா்.

திருவாடானை நான்கு சாலை சந்திப்பிலிருந்து பாண்டுகுடி, ஓரியூா் செல்லும் மாநில நெடுஞ்சாலையில் அண்மையில் விரிவாக்கப் பணிகள் நடைபெற்றன. ஆனால், இந்தச் சாலை விரிவாக்கத்தின் போது மழைநீா் எளிதில் வடிந்து செல்லக்கூடிய வடிகால் வசதிகள் அமைக்கப்படவில்லை.

இதனால், மழை பெய்யும் போது சாலையில் அதிகளவில் மழைநீா் தேங்கி நிற்கிறது. இதனால், வாகன ஓட்டுநா்கள் அவதிக்குள்ளாகி வருகின்றனா். மேலும், டெங்கு நோய் பரவும் அபாயம் உள்ளதாக பொதுமக்கள் தெரிவித்தனா். எனவே, சாலையில் தேங்கியுள்ள மழைநீரை அகற்றி வடிகால் வசதிகளை ஏற்படுத்தித் தர மாநில நெடுஞ்சாலைத் துறை உரிய நடவடிக்கை எடுக்க வேண்டும் என பொதுமக்கள் கோரிக்கை விடுத்தனா்.