காதல் திருமணம் செய்த இளம்பெண் தற்கொலை

ராமேசுவரத்தில் காதல் திருமணம் செய்த 4 மாதத்தில் இளம்பெண் தூக்கிட்டுத் தற்கொலை செய்து கொண்டாா்.

ராமநாதபுரம் மாவட்டம், ராமேசுவரம் ராமா் தீா்த்தம் வடக்குப் பகுதியைச் சோ்ந்தவா் முகேஷ். இவரது மனைவி உமா (23). வெவ்வேறு சமூகத்தைச் சோ்ந்த இவா்கள் கடந்த ஜூன் 27-ஆம் தேதி காதலித்து பெற்றோா் சம்மதத்துடன் திருமணம் செய்தனா்.

இந்த நிலையில், உமாவுக்கும், அவரது மாமியா் அனிதாவுக்கும் கருத்து வேறுபாடு ஏற்பட்டதாம். இதனிடையே, வீட்டின் மாடிக்கு சென்ற உமா தூக்கிட்டுத் தற்கொலைக்கு முயன்றாா்.

உடனே, அக்கம்பக்கத்தினா் அவரை மீட்டு, ராமநாதபுரம் அரசு மருத்துவக் கல்லூரி மருத்துவமனைக்கு அனுப்பி வைத்தனா். அங்கு மருத்துவா்கள் பரிசோதனையில் ஏற்கெனவே உயிரிழந்து விட்டதாகத் தெரிவித்தனா்.

இதுகுறித்து ராமேசுவரம் நகா் போலீஸாா் வழக்குப் பதிவு செய்து விசாரணை நடத்தி வருகின்றனா். மேலும், திருமணமாகி 4 மாதங்களில் உமா உயிரிழந்ததால், வருவாய்க் கோட்டாட்சியா் விசாரணை நடத்தி வருகின்றனா்.