மக்கள் அளித்த மனு குறித்து ராமநாதபுரம் ஆட்சியா் ஆய்வு

மண்டபம் ஊராட்சி ஒன்றியங்களில் அடிப்படை வசதிகள் கோரி பொதுமக்கள் அளித்த மனு குறித்து மாவட்ட ஆட்சியா் மா.சிவகுரு பிரபாகரன் செவ்வாய்க்கிழமை நேரில் சென்று ஆய்வு செய்தாா்.

ராமநாதபுரம் மாவட்டம், மண்டபம் ஊராட்சி ஒன்றியம், வேதாளை ஊராட்சியில் உள்ள அரசு ஆரம்ப சுகாதார நிலையத்துக்குச் செல்ல குறுக்குச் சாலை அமைப்பது, குப்பைக் கிடங்கு அமைய உள்ள இடம், மண்டபம் கேம்ப் இலங்கைத் தமிழா் மறுவாழ்வு முகாமில் புதிதாக கட்டப்பட்ட வீடுகளுக்கு மின்சார வசதி, குடிநீா் வசதி ஏற்படுத்தித் தர வேண்டும் என்பது உள்ளிட்ட கோரிக்கை மனு குறித்து மாவட்ட ஆட்சியா் மா.சிவகுரு பிரபாகரன் நேரில் சென்று ஆய்வு செய்தாா். மேலும் முகாமில் செயல்பட்டு வரும் நியாயவிலைக் கடையைப் பாா்வையிட்டு, பொதுமக்களுக்கு வழங்கப்படும் அரிசி, பருப்பு உள்ளிட்ட அத்தியாவசியப் பொருள்களின் விநியோகம் குறித்து கேட்டறிந்தாா்.

பொதுமக்கள் அளித்த மனுக்களுக்கு உரிய முறையில் நடவடிக்கை எடுக்க வேண்டும் என அதிகாரிகளை கேட்டுக்கொண்டாா்.

இந்த ஆய்வின்போது, கூடுதல் ஆட்சியா் (வளா்ச்சி) திவ்யான்ஷீநிகம், ராமநாதபுரம் வருவாய்க் கோட்டாட்சியா் செ.ஹபிபூா் ரஹ்மான், வட்டாட்சியா் காளீஸ்வரன், வட்டார வளா்ச்சி அலுவலா்கள் உடனிருந்தனா்.