காரைக்குடி பள்ளியில் தேசிய சதுரங்கப் போட்டி

காரைக்குடி அருகே உள்ள செட்டிநாடு பப்ளிக் பள்ளியில் 11 வயதுக்கு உள்பட்டோருக்கான தேசிய அளவிலான சதுரங்கப் போட்டியில் ஆண்கள் பிரிவில் மகாராஷ்டிர வீரரும், பெண்கள் பிரிவில் தமிழக வீராங்கனையும் சாம்பியன் பட்டம் வென்றனர்.
இப்போட்டிகள் கடந்த ஜூலை 28-ஆம் தேதி தொடங்கியது. இதில், 24 மாநிலங்களிலிருந்து நூற்றுக்கும் மேற்பட்ட சிறுவர்கள் பங்கேற்றனர். இறுதிச்சுற்றில் ஆண்கள் பிரிவில் மகாராஷ்டிரத்தைச் சேர்ந்த தேவ் ஷா, பெண்கள் பிரிவில் தமிழகத்தைச் சேர்ந்த சவீதா ஆகியோர் முதலிடம் பெற்று சாம்பியன் பட்டம் வென்றனர்.
 அகில இந்திய சதுரங்கக் கழக செயலாளர் பாரத்சிங் சௌகான் சிறப்பு விருந்தினராகக் கலந்துகொண்டு பரிசுகளை வழங்கிப் பேசினார். விழாவில், விளையாட்டு வீரர் சார்லஸ் பொரோமியோ, மதுரை மாவட்ட விளையாட்டு அலுவலர் டி.பி. ராஜ்குமார், செட்டிநாடு பப்ளிக் பள்ளியின் தலைவர் எஸ்.பி. குமரேசன், லக்ஷனா சுப்பிரமணியன் உள்பட பலர் கலந்து கொண்டனர்.