சிவகங்கை மாவட்டம், மானாமதுரை பகுதியில் திங்கள்கிழமை இரவு குதிரை வாகனத்திலும், செவ்வாய்க்கிழமை பகலில் பல்லக்கிலும் திருக்கூடல்மலை நவநீத பெருமாள் பவனி வந்தார்.
மானாமதுரை அருகே கட்டிக்குளம் கருப்பனேந்தல் மடம் சூட்டுக்கோல் மாயாண்டி சுவாமிகள் கட்டளைப்படி, மதுரை இருளப்பக் கோனாரால் திருப்பரங்குன்றம் திருக்கூடல் மலையில் உள்ள ராமலிங்க விலாசத்தில் பிரதிஷ்டை செய்யப்பட்ட நவநீதப் பெருமாள் ஆண்டுதோறும் ஆடிப் பௌர்ணமிக்கு திருக்கூடல் மலையிலிருந்து புறப்பாடாகிறார். பின்னர், சூட்டுக்கோல் மாயாண்டி சுவாமிகள் உலாவிய திருப்புவனம், மானாமதுரை ஆகிய பகுதிகளில் பவனி வந்து, மீண்டும் மலைக்கு திரும்புவது வழக்கமாக உள்ளது.
99 ஆவது ஆண்டாக, கடந்த ஆடிப் பௌர்ணமிக்கு அழகர்மலை தீர்த்தமாடி திருக்கூடல் மலையிலிருந்து புறப்பாடாகிய உற்சவர் நவநீத பெருமாள், திருப்புவனம், திருப்பாச்சேத்தி ஆகிய பகுதிகளில் எழுந்தருளியதை அடுத்து, திங்கள்கிழமை மாலை மானாமதுரை வந்தடைந்தார்.
அண்ணா சிலை அருகேயுள்ள ஐயப்பன் கோயிலில் செங்கல் காளவாசல் தொழிலாளர்கள் சார்பில் அமைக்கப்பட்டிருந்த திருக்கண்ணில் பெருமாளுக்கு வரவேற்பளிக்கப்பட்டது. இரவில் தாயமங்கலம் செல்லும் சாலையில் அமைந்துள்ள சுப்ரமணியர் கோயிலில் குதிரை வாகனத்தில் நவநீத பெருமாள் சூட்டுக்கோலுடன் எழுந்தருளி அருள்பாலித்தார். மண்டகப்படிதாரர்கள் சார்பில் பெருமாளுக்கு சிறப்பு பூஜைகள், தீபாராதனைகள் நடைபெற்றன. ஏராளமானோர் மண்டகப்படிக்கு வந்து நவநீதப் பெருமாளை தரிசித்தனர். அதைத் தொடர்ந்து, இங்கிருந்து புறப்பட்ட பெருமாள் பல வீதிகளின் வழியே பவனி வந்தார். இரவு, சங்குப்பிள்ளையார் கோயிலில் தங்கியிருந்த நவநீத பெருமாள், செவ்வாய்க்கிழமை காலை இங்கிருந்து அலங்காரத்துடன் பல்லக்கில் புறப்பாடாகி, மேல்கரை பகுதியில் வீதி உலா வந்தார். பின்னர், கீழமேல்குடி, பீசர்பட்டினம், மேலமேல்குடி, தீத்தான்பேட்டை ஆகிய கிராமங்களில் வலம் வந்து, கட்டிக்குளம் சூட்டுக்கோல் மாயாண்டி சுவாமிகள் இல்லம் சென்றடைந்தார். ஆகஸ்ட் 19 ஆம் தேதி நவநீத பெருமாள் திருக்கூடல்மலை ராமலிங்க விலாசம் சென்றடைகிறார்.
இந் நிகழ்ச்சியை, இருளப்பக் கோனாரின் 5 ஆவது தலைமுறையான ராமலிங்க விலாசத்தின் நிர்வாகி தட்சிணாமூர்த்தி யாதவ் நடத்தி வருகிறார்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
தொடர்புடையது

இந்த ஆண்டு 362 மாணவர்களுக்கு தேசிய வெளிநாட்டு கல்வி உதவித் தொகை! - அமைச்சர் வன்னி அரசு
கூகுள் பிக்சல் 11, பிக்சல் 11 ப்ரோ இந்தியாவில் அறிமுகம்! சிறப்புகள் என்னென்ன?

அனுபமா பரமேஸ்வரன் பேச்சால் நடிகரை விமர்சிக்கும் ரசிகர்கள்! பதில் அளிப்பாரா?

முதல்முறை குரில் தீவுகளுக்குச் சென்ற புதின்! ஜப்பான் அரசு கண்டனம்!
விடியோக்கள்

கருணாநிதி,கண்ணதாசன் நட்பும் பிரிவும்| Kannadasan 100 | UN Kannan interview | Kaviyarasu|கண்ணதாசன் நூற்றாண்டு | EP -3


