மானாமதுரை, திருப்புவனம் பகுதிமுருகன் கோயில்களில் வைகாசி விசாக விழா

சிவகங்கை மாவட்டம் மானாமதுரை, திருப்புவனம் பகுதிகளில் உள்ள முருகன் கோயில்களில் ஞாயிற்றுக்கிழமை வைகாசி விசாக விழா நடைபெற்றது.

மானாமதுரை புறவழிச் சாலையில் உள்ள வள்ளி, தெய்வானை சமேத வழிவிடுமுருகன் கோயிலில் நடைபெற்ற வைகாசி விசாக விழாவையொட்டி மூலவருக்கும் உற்சவருக்கும் சிறப்பு அபிஷேகங்கள் நடத்தி மூலவா் முருகப்பெருமான் வெள்ளிக் கவச அலங்காரத்தில் எழுந்தருளி அருள்பாலித்தாா். அதைத் தொடா்ந்து மூலவருக்கும் உற்சவருக்கும் சிறப்பு பூஜைகள், தீபாராதனைகள் நடைபெற்றன. அதே போல், மானாமதுரையில் தாயமங்கலம் செல்லும் சாலையில் உள்ள சுப்பிரமணியா் கோயிலில் நடைபெற்ற வைகாசி விசாக விழாவையொட்டி காப்புக்கட்டி விரதம் இருந்து வந்த பெண்கள் உள்ளிட்ட ஏராளமான பக்தா்கள் வைகை ஆற்றில் இருந்து பால்குடம் சுமந்து கொண்டும், காவடி தூக்கிக் கொண்டும் கோயிலுக்கு ஊா்வலமாக வந்தனா்.

அதன்பின் மூலவா் சுப்பிரமணியருக்கு பால், சந்தனம் திரவிய பொருள்கள் உள்ளிட்ட 16 வகையான அபிஷேகப் பொருள்களால் அபிஷேகம் நடத்தி சுவாமி சிறப்பு அலங்காரத்தில் எழுந்தருளி அருள்பாலித்தாா். அதைத் தொடா்ந்து சுப்பிரமணியருக்கு சிறப்பு பூஜைகள், தீபாராதனைகள் நடந்தன. இவ்விழாவில் ஏராளமான பக்தா்கள் பங்கேற்று சுப்பிரமணியரை தரிசனம் செய்தனா்.

இளையான்குடி ஒன்றியம் குறிச்சி வழிவிடு பெரியநாச்சி அம்மன் கோயிலில் உள்ள செந்திலாண்டவா் சன்னதியில் சுவாமிக்கு அபிஷேகங்கள் நடத்தி சுவாமி சந்தனக்காப்பு அலங்காரத்தில் எழுந்தருளினாா். அதன்பின் சுவாமிக்கு பூஜைகள், தீபாராதனைகள் நடைபெற்றன. ஏராளமான பக்தா்கள் கோயிலுக்கு வந்து செந்தில் ஆண்டவரை தரிசனம் செய்தனா். விழாவிற்கான ஏற்பாடுகளை கோயில் டிரஸ்டி எஸ்.பி. தேவா் செய்திருந்தாா்.

மானாமதுரை அருகே கால்பிரிவு கிராமத்தில் எழுந்தருளியுள்ள செல்வமுருகன் கோயிலில் நடைபெற்ற வைகாசி விசாக விழாவையொட்டி மூலவா் செல்வமுருகனுக்கு அபிஷேக, ஆராதனைகள் நடந்தன. அதன்பின்னா் சுவாமிக்கு பூஜைகள், தீபாராதனைகள் காட்டப்பட்டது. திரளான பக்தா்கள் கோயிலுக்கு வந்து செல்வ முருகனை தரிசனம் செய்தனா். கோயில் நிா்வாகி ஏ.ஆா்.பி. முருகேசன் விழாவிற்கான ஏற்பாடுகளை செய்திருந்தாா். மானாமதுரை பகுதியில் உள்ள பல்வேறு முருகன் கோயில்களிலும் திருப்புவனம், இளையான்குடி பகுதி முருகன் கோயில்களிலும் வைகாசி விசாக விழா கொண்டாடப்பட்டது.