ஆயுதங்களுடன் திரிந்த 5 இளைஞா்கள் கைது

மானாமதுரை பகுதியில் வீடுகளில் கொள்ளையடிக்கும் எண்ணத்தில் ஆயுதங்களுடன் திரிந்த 5 இளைஞா்களை போலீஸாா் புதன்கிழமை கைது செய்தனா்.

மானாமதுரை காவல் நிலைய உதவி ஆய்வாளா் அகிலன் மாா்டின் உள்ளிட்ட போலீஸாா் வேதியரேந்தல் விலக்கு பகுதியில் ரோந்து சென்றனா்.

அப்போது, அந்தப் பகுதியில் சந்தேகத்திற்கிடமான வகையில் நின்று கொண்டிருந்த 5 இளைஞா்களைப் பிடித்து விசாரித்தனா்.

அவா்களிடம் நடத்திய சோதனையில் அரிவாள்கள், இரும்பு உளி, இரும்பு பைப்புகள், கயிறு, மிளகாய்ப் பொடி, உள்ளிட்டவை இருந்தது தெரியவந்தது.

போலீஸாா் நடத்திய விசாரணையில், இவா்கள் மானாமதுரை அருகே முருகபாஞ்சன் கிராமத்தைச் சோ்ந்த பிரகாஷ் (24) மதன்குமாா் (20), அஜித்குமாா் (26), வேலூா் கிராமத்தைச் சோ்ந்த தங்கமணி (18), ஆதிநாராயணன் (18) ஆகியோா் என்பதும், மானாமதுரை பகுதியில் வீடுகளில் கொள்ளையடிக்கத் திட்டமிட்டதும் தெரியவந்தது. இதையடுத்து, இவா்கள் 5 பேரையும் போலீஸாா் கைது செய்தனா்.

இவா்கள் மீது சிவகங்கை மாவட்டத்தில் உள்ள காவல் நிலையங்களில் குற்ற வழக்குகள் நிலுவையில் உள்ளன என்பது குறிப்பிடத்தக்கது.