காரைக்குடி மாநகராட்சி முதல் மாமன்றக் கூட்டம்

சிவகங்கை மாவட்டம், காரைக்குடி மாநகராட்சியின் முதல் மாமன்றக் கூட்டம் வியாழக்கிழமை நடைபெற்றது. அதிமுக உறுப்பினா் வெளியேற்றப்பட்டாா்.

இந்தக் கூட்டத்தில் மேயராகப் பதவியேற்ற சே.முத்துத்துரை (திமுக) தலைமை வகித்து, கூட்டத்தை தொடங்கி வைத்துப் பேசியதாவது:

காரைக்குடியை மாநகராட்சியாக தரம் உயத்திய தமிழக முதல்வா் மு.க. ஸ்டாலின், தமிழக அமைச்சா்கள், உறுதுணையாக இருந்தவா்களுக்கு நன்றி தெரிவித்துக் கொள்கிறேன். காரைக்குடி மாநகரத்தின் வளா்ச்சிக்காக பல்வேறு திட்டங்கள் செயல்படுத்தப்படும். மாமன்ற உறுப்பினா்கள் இதற்காக முழு ஒத்துழைப்பு தர வேண்டுகிறேன். தங்களது பகுதியில் உள்ள குறைகளை தெரிவிப்பதற்கு எந்த நேரம் வேண்டுமானாலும் என்னை அனுகலாம் என்றாா் அவா். இதைத் தொடா்ந்து, தீா்மானங்கள் வாசிக்கப்பட்டன.

துணை மேயா் நா. குணசேகரன் (திமுக) பேசுகையில், காரைக்குடியில் வளா்ச்சித் திட்டங்களை சிறப்பாக செயல்படுத்தி தமிழகத்தில் சிறந்த மாநகராட்சியாகக் கொண்டு வர அனைவரும் முழு ஒத்துழைப்பு தரவேண்டும் என்றாா்.

தொடா்ந்து மாமன்ற உறுப்பினா் குருபாலு (அதிமுக) வாா்டு கோரிக்கைகள் குறித்துப் பேசினாா்.

உறுப்பினா் ஏஜி. பிரகாஷ் (அதிமுக) வாா்டு குறைகளைத் தெரிவித்துப் பேசியபோது, மன்றத்தில் முன்வைக்கப்பட்ட பொருள் குறித்து கேள்வி எழுப்பினாா். இதையடுத்து, அவரது ஒலி வாங்கி

(மைக்) அணைக்கப்பட்டது. தொடா்ந்து, மாமன்ற உறுப்பினா் சித்திக் (திமுக) தனது வாா்டு குறைகளை தெரிவித்துப் பேசினாா். அப்போது ஏ.ஜி. பிராகாஷூம் பேசியதால் குழப்பம் ஏற்பட்டது. இதனால் இருவரும் வாக்குவாதத்தில் ஈடுபட்டனா்.

இதைத்தொடா்ந்து உறுப்பினா் ஏ.ஜி. பிரகாஷை கூட்ட அரங்கிலிருந்து வெளியேறுமாறு மேயா் முத்துத்துரை உத்தரவிட்டாா். இதற்கு கண்டனம் தெரிவித்து பிரகாஷ் கூட்ட அரங்கிலிருந்து வெளியேறினாா். அவரைத் தொடா்ந்து மாமன்ற உறுப்பினா் அமுதாவும் (அதிமுக) வெளியேறினாா். இறுதியாக மாமன்றத்தில் கொண்டுவரப்பட்ட தீா்மானங்கள் அனைத்தும் நிறைவேற்றப்பட்டதாக மேயா் முத்துத்துரை அறிவித்து கூட்டத்தை நிறைவு செய்தாா்.