காரைக்குடியில் பலத்த மழை

சிவகங்கை மாவட்டம், காரைக்குடி பகுதியில் புதன்கிழமை காற்று, இடி, மின்னலுடன் கூடிய பலத்த மழை பெய்தது.

காரைக்குடி நகா், சுற்று வட்டாரப் பகுதிகளில் கடந்த சில தினங்களாக வெயிலின் தாக்கம் அதிகமாக இருந்தது. இந்த நிலையில் மாலை 5.30 மணியளவில் காற்று, இடி, மின்னலுடன் கூடிய மழை பெய்தது. இந்த மழை சுமாா் அரை மணி நேரம் சுற்றுவட்டாரப் பகுதிகளிலும் நீடித்தது. இதனால் நகரின் பல்வேறு சாலைகளில் மழை நீா் பெருக்கெடுத்து ஓடியது. வாகனங்கள் சாலையில் மிதமான வேகத்தில் சென்றன.