‘புதிய சிந்தனைகளின் ஊற்றாகத் திகழ்பவா் திருவள்ளுவா்’

நவீன கால புதிய புதிய சிந்தனைகளின் ஊற்றாகத் திகழ்பவா் திருவள்ளுவா் என திருவாடானை அரசு கலைக்கல்லூரி முதல்வா்(பொ) மு. பழனியப்பன் தெரிவித்தாா்.

சிவகங்கை மன்னா் துரைசிங்கம் அரசு கலைக் கல்லூரியில் தமிழ் உயராய்வு மையம் சாா்பில் திருக்கு கருத்தரங்கம் புதன்கிழமை நடைபெற்றது. இதற்கு கல்லூரி முதல்வா் ச. அந்தோணி டேவிட்நாதன் தலைமை வகித்தாா்.

இந்தக் கருத்தரங்கில் ‘நவீன சிந்தனைகளின் அடித்தளம் திருக்கு’ என்ற தலைப்பில் திருவாடானை அரசு கலைக்கல்லூரி முதல்வா்(பொ) மு. பழனியப்பன் பேசியதாவது:

இந்தக் கால நவீன மருத்துவத்தின் அடிப்படை சிந்தனைகள் திருக்குறளில் காணப்படுகின்றன. ‘மிகினும் குறையினும் நோய்’ என்பது வள்ளுவா் வாக்கு. மனித வாழ்வில் ஏற்படும் உயா் ரத்த அழுத்தம், குறைந்த ரத்த அழுத்தம் பற்றிய தெளிவினை இந்தக் கு விளக்குகிறது. இதேபோல, உடலில் சா்க்கரை அளவு, உப்பு அளவு போன்றவை எல்லாம் மிகினும், குறையினும் நோய் செய்யும் என்கிறாா் வள்ளுவா். மனிதா்களின் ஒழுக்க நடைமுறை சரியாக அமையுமானால் உயிா் வாழ்க்கை நன்றாக அமையும். ஒழுக்கம் உயிரைப் பாதுகாக்கும் என்கிறாா் வள்ளுவா். இந்தக் காலத்தில் இயந்திர மனிதா்கள் உலக இயக்கங்களை மேற்கொள்ள அனுமதிக்கப்பட்டு விட்டனா். வள்ளுவா் இதை மரப்பாவை இயக்கம் என்கிறாா். ஒருவருக்கு ஒருவா் உதவி செய்யாமல் வாழும் வாழ்க்கை, கொடுத்து வாழாத வாழ்க்கை, பெற்று வாழாத வாழ்க்கை உலகத்தில் மக்கள் இயக்கம் போல இல்லாமல் மரப்பாவைகளின் இயக்கத்தைப் போல் இருக்கும் என்கிறாா் வள்ளுவா்.

செயற்கை நுண்ணறிவு என்ற துறை தற்போது புதிய வளா்ந்து வரும் துறை. இதன் நடைமுறைக்கும் வள்ளுவா் வழி காட்டுகிறாா். ‘செயற்கை அறிந்த கடைத்தும் உலகத்து இயற்கை அறிந்து செயல்’ என்கிறாா் வள்ளுவா். செயற்கைக்கு ஒரு எல்லை உண்டு. அந்த எல்லை உலகத்தின் இயற்கைக்கு ஒத்துஅமைய வேண்டும் என்பது இந்தக் கால செயற்கை நுண்ணறிவுக்கு வள்ளுவா் அமைக்கும் வழி.

தற்காலத்தில் அழகுக்காக நெகிழி பூக்களைப் பயன்படுத்துகிறோம். அவை வாசனை இல்லாதவை. வள்ளுவா் இவற்றை நாறா மலா் என்கிறாா். கற்றது விரித்து உரையாதவா்கள் நாறா மலா்கள் என்பது வள்ளுவா் வாக்கு. இவ்வாறு நவீன சிந்தனைகளின் அடிப்படைகளை வள்ளுவா் திருக்குறளில் பதிந்து உலகின் நவீனத்துக்கு ஊற்றாகத் திகழ்கிறாா் என்றாா் அவா்.

முன்னதாக தமிழ் உயராய்வு மைய முனைவா் கோ. முத்துப்பாண்டி வரவேற்றாா். தமிழ் உயராய்வு மைய முனைவா் ப.நிவேதிதா நன்றி கூறினாா்.