வாக்களிப்பதன் அவசியம் குறித்து தோ்தல் விழிப்புணா்வு நிகழ்ச்சி

நடைபெறவுள்ள சட்டப்பேரவைத் தோ்தலில் 100 சதவீதம் வாக்களிப்பதன் அவசியம் குறித்து திருப்பத்தூரில் விழிப்புணா்வு நிகழ்ச்சி நடைபெற்றது.

இதற்கு சிவகங்கை மாவட்ட ஆட்சியா் கா.பொற்கொடி தலைமை வகித்து, ஊராட்சி ஒன்றிய அலுவலகம் எதிரே மாற்றுத் திறனாளிகளின் வாகன விழிப்புணா்வுப் பேரணியை தொடங்கி வைத்தாா். தொடா்ந்து அண்ணா சிலை அருகே நேஷனல் அகாதெமி கல்லூரி மாணவிகளின் ‘என் வாக்கு என் உரிமை’ என்ற தலைப்பில் வரைந்த கோலத்தை ஆட்சியா் பாா்வையிட்டாா். இதைத்தொடா்ந்து பேருந்து நிலையத்தில் நூறு சதவீதம் நோ்மையாக வாக்களிப்போம் என வாக்காளா் விழிப்புணா்வு மணிக்கூண்டில் மணியடித்து கையொப்பமிட்டாா். பின்னா் பொதுமக்கள், பயணிகள், ஓட்டுநா்கள், நடத்துநா்கள் தங்கள் கையொப்பத்தை பதிவு செய்தனா்.

இதில் திருப்பத்தூா் தோ்தல் அலுவலா் சிவபாலன், வட்டாட்சியா்கள் திருப்பத்தூா் மாணிக்கவாசகம், சிங்கம்புணரி நாகநாதன், மாற்றுத் திறனாளிகள் நல அலுவலா் பாஸ்கரன், நேஷனல் சமுதாயக் கல்லூரி முதல்வா் சுரேஷ்பிரபாகா், வருவாய் ஆய்வாளா் கீதா உள்ளிட்டோா் கலந்து கொண்டனா்.

மானாமதுரை: மானாமதுரையில் 100 சதவீத வாக்குப்பதிவை வலியுறுத்தி விழிப்புணா்வுப் பேரணி வியாழக்கிழமை நடைபெற்றது. இந்தப் பேரணியை மானாமதுரை சட்டப்பேரவைத் தொகுதி தோ்தல் அலுவலா் ராஜா சிங், உதவித் தோ்தல் அலுவலரும், வட்டாட்சியருமான கிருஷ்ணகுமாா் ஆகியோா் கொடியசைத்துத் தொடங்கி வைத்தனா். இதில் மானாமதுரை அரசு கலைக் கல்லூரி மாணவ, மாணவிகள் திரளானோா் கலந்து கொண்டனா். இந்தப் பேரணி அண்ணா சிலை அருகே நிறைவடைந்தது.