இந்திரா காந்தியைக் கண்டாலே அச்சம்! பின்னர் அவரே அம்மாவாக மாறினார்: சோனியாசீனாவின் முதல் மின்சார விமானம்: பயணிகளுடனான சோதனை ஓட்டத்தில் வெற்றி!சோனியா காந்தி புத்தக வெளியீட்டு விழா! முதல்வர் விஜய் பங்கேற்பு! மண்டல பூஜைக்காக சபரிமலை நடை திறப்பு!டிசம்பர் 3-ல் கன்னியாகுமரி மாவட்டத்துக்கு உள்ளூர் விடுமுறை!

அரசுப் பேருந்து நடத்துநா் மீது தாக்குதல்: இருவா் கைது

கைது - கோப்புப் படம்

Updated On :

சிங்கம்புணரி அருகே அரசுப் பேருந்து நடத்துநரை தாக்கியதாக தனியாா் பேருந்து நடத்துநா்கள் இருவரை போலீஸாா் கைது செய்தனா்.

புதுக்கோட்டை மாவட்டம், பொன்னமராவதி பேருந்து நிலையத்திலிருந்து தனியாா் பேருந்து சிங்கம்புணரி வழியாக மதுரைக்கு இயக்கப்படுகிறது. இந்த நிலையில் பொன்னமராவதியிலிருந்து சிங்கம்புணரிக்கு சென்ற அரசுப் பேருந்து நேரம் கடந்து தாமதமாக வந்ததால் பொன்னமராவதி பேருந்து நிலையத்தில் உள்ள நேரக் கண்காணிப்பாளா் ரவியிடம் அந்த தனியாா் பேருந்து நடத்துநா்கள் புகாா் தெரிவித்தனா். இதனிடையே, தாமதமாக மாலை 4.15 மணிக்கு பொன்னமராவதியிலிருந்து புறப்பட்ட அரசுப் பேருந்து, தனியாா் பேருந்தை முந்தி சென்று பயணிகளை ஏற்றியதாகக் கூறப்படுகிறது.

சிங்கம்புணரி அருகே பிரான்மலை வந்தபோது தனியாா் பேருந்து நடத்துநா்களான மதுரை மாவட்டம், உசிலம்பட்டி வட்டத்தைச் சோ்ந்த அருண் பாண்டியன் (27), ராமநாதபுரம் மாவட்டம், கமுதியைச் சோ்ந்த நாகராஜன் (44) ஆகியோா் அரசுப் பேருந்தை வழிமறித்து அதன் நடத்துநரான புதுக்கோட்டை மாவட்டம், குழிபிறையைச் சோ்ந்த தேவராஜனை கீழே தள்ளி தாக்கியதாகக் கூறப்படுகிறது. இதையடுத்து அரசுப் பேருந்து ஓட்டுநா் குமரேசன், காயமடைந்த தேவராஜனை மீட்டு பொன்னமராவதிஅரசு மருத்துவமனைக்கு அனுப்பி வைத்தாா்.

இதுகுறித்து சதுா்வேதமங்கலம் காவல் நிலையத்தில் அளிக்கப்பட்ட புகாரின் பேரில் தனியாா் பேருந்து நடத்துநா்கள் இருவரையும் போலீஸாா் கைது செய்து விசாரிக்கின்றனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.