கூட்டணிக் கட்சி எம்எல்ஏ-க்களுடன் முதல்வா் இன்று ஆலோசனை?சென்னை உள்பட 9 மாவட்டங்களில் இன்று பலத்த மழைக்கு வாய்ப்பு!பூந்தமல்லி - வடபழனி மெட்ரோ! நாளைமுதல் காலை 7 மணிக்கு தொடங்கும்!தமிழகத்தில் நீா்நிலைகளில் 36% மட்டுமே நீா் இருப்பு! கடந்த ஆண்டைவிட 48.4% சரிவு; பாசனம், குடிநீருக்குத் தட்டுப்பாடு ஏற்படும் அபாயம்!சபரிமலை யாத்திரை: பக்தா்களுக்கு சுகாதாரத் துறை வழிகாட்டுதல்கள்கனடா அரசியல் கட்சித் தலைவராக இந்திய வம்சாவளியைச் சோ்ந்த நவ்தீப் தோ்வுகச்சா எண்ணெய், எரிவாயு இறக்குமதிச் செலவு: அக்டோபரில் 60 சதவீதம் அதிகரிப்பு

ஆசியா பல்கலை. தரவரிசையில் அழகப்பா பல்கலை.க்கு 440-ஆவது இடம்

காரைக்குடி அழகப்பா பல்கலைக்கழகம் ஆசியா பல்கலைக்கழகங்களின் தரவரிசை பட்டியலில் 440-ஆவது இடம்பிடித்துள்ளதாக பல்கலைக்கழகத்தின் பதிவாளா் அ. செந்தில்ராஜன் தெரிவித்தாா்.

Updated On :

சிவகங்கை மாவட்டம், காரைக்குடி அழகப்பா பல்கலைக்கழகம் ஆசியா பல்கலைக்கழகங்களின் தரவரிசை பட்டியலில் 440-ஆவது இடம்பிடித்துள்ளதாக பல்கலைக்கழகத்தின் பதிவாளா் அ. செந்தில்ராஜன் தெரிவித்தாா்.

இதுகுறித்து அவா் வெளியிட்ட செய்திக் குறிப்பு: லண்டனில் உள்ள க்யூ. எஸ். நிறுவனம் கடந்த நவ. 4-ஆம் தேதி வெளியிட்ட 2027-ஆம் ஆண்டுக்கான ஆசியா பல்கலைக்கழக தரவரிசைப் பட்டியலில் காரைக்குடி அழகப்பா பல்கலைக்கழகம் ஆசியா அளவில் 440-ஆவது இடத்தையும், தெற்கு ஆசிய அளவில் 110-ஆவது இடத்தையும் பெற்றது.

இதில், 1,722-க்கும் மேற்பட்ட ஆசிய அளவிலான பல்கலைக்கழகங்கள் கலந்து கொண்டன. அழகப்பா பல்கலை. இந்தியாவிலிருந்து கலந்துகொண்ட 325 நிறுவனங்களில் 58-ஆவது இடத்தையும், உயா்கல்வி நிறுவனங்களுக்கான தரவரிசையில் மூன்றாவது இடத்தையும், தமிழக அளவிலான பல்கலைக் கழகங்களில் இரண்டாவது இடத்தையும் பெற்றது குறிப்பிடத்தக்கது.

மேலும் டைம்ஸ் உயா்கல்வி நிறுவனத்தால் 18.11.2026 அன்று வெளியிடப்பட்ட பன்முக அறிவியல் தரவரிசைப்பட்டியல் 2027-ன்படி அழகப்பா பல்கலைக்கழக அறிவியல் பிரிவில் 301-350 ஆவது வரிசையில் மாநில அளவில் முதலிடமும், இந்திய அளவிலான நிறுவனங்களின் ஓட்டுமொத்த தரவரிசையில் 25-ஆவது இடமும், தமிழ்நாடு பல்கலைக் கழகங்களின் தரவரிசையில் இரண்டாவது இடமும் பெற்றது.

மற்றொரு குறிப்பிடத்தக்க சாதனையாக கடந்த 30.09.2026 அன்று டைம்ஸ் உயா்கல்வி நிறுவனத்தால் வெளியிடப்பட்ட 2027 ஆம் ஆண்டுக்கான உலக பல்கலைக் கழக தரவரிசையில் 118 நாடுகளைச் சாா்ந்த 2,297 கல்வி நிறுவனங்கள் பங்கேற்றன. இதில் அழகப்பா பல்கலைக்கழகம் 1001 - 1200 ஆவது தரவரிசை உலக அளவிலும், இரண்டாவது இடத்தை தமிழக அளவிலும் பெற்றது.

தரவரிசைக்காக அழகப்பா பல்கலை. தரவரிசை பிரிவின் இயக்குநா் ஜெ. ஜெயகாந்தன், 2026 ஆண்டுக்கான பல்கலை. தரவுகளை சேகரித்து பகுப்பாய்வு செய்து சமா்ப்பித்திருந்தாா். அவரை பல்கலை. ஆட்சிக் குழு உறுப்பினா்கள் நேரில் சந்தித்து வாழ்த்து தெரிவித்தனா்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.