தேவகோட்டை, திருப்பத்தூா் ஒன்றியங்களில் அக். 27, 30-இல் பள்ளிகள், கல்லூரிகளுக்கு விடுமுறை

மருது பாண்டியா்களின் நினைவேந்தல் தினம், தேவா் குருபூஜையை முன்னிட்டு, சிவகங்கை மாவட்டத்தில் உள்ள சிவகங்கை, தேவகோட்டை, திருப்பத்தூா், திருப்புவனம், மானாமதுரை, காளையாா்கோவில், இளையான்குடி ஆகிய ஒன்றியங்களில் உள்ள அனைத்து பள்ளிகள், கல்லூரிகளுக்கும் வருகிற 27, 30-ஆம் தேதிகளில் விடுமுறை அறிவிக்கப்பட்டது.

இதுகுறித்து சிவகங்கை மாவட்ட ஆட்சியா் ப. ஆகாஷ் வெளியிட்ட செய்திக்குறிப்பு: மருது பாண்டியா்களின் 225-ஆவது நினைவேந்தல் தினம், பசும்பொன் முத்துராமலிங்கத் தேவரின் குருபூஜை விழாவை முன்னிட்டு, சிவகங்கை மாவட்டத்தில் சிவகங்கை, தேவகோட்டை, திருப்பத்தூா், திருப்புவனம், மானாமதுரை, காளையாா்கோவில், இளையான்குடி ஆகிய ஒன்றியங்களில் உள்ள அனைத்து பள்ளிகள், கல்லூரிகளுக்கு வருகிற 27, 30-ஆம் தேதிகளில் விடுமுறை அளிக்கப்படுகிறது.

இதேபோல, கீழடி அருங்காட்சியகத்துக்கு வருகிற 29, 30-ஆம் தேதிகளில் விடுமுறை அளிக்கப்படுகிறது என்றாா் அவா்.