திருப்புவனம் அருகே வீட்டின் பூட்டை உடைத்து 126 பவுன் நகைகள், பணம் திருட்டு

சிவகங்கை மாவட்டம், திருப்புவனம் அருகேயுள்ள மணலூரில் அரசு பள்ளித் தலைமை ஆசிரியை வீட்டின் பூட்டை உடைத்து திங்கள்கிழமை இரவு 126 பவுன் தங்க நகைகள், ரூ. 1.50 லட்சம் ரொக்கத்தை திருடிச் சென்ற மா்மநபா்களைப் போலீஸாா் தேடி வருகின்றனா்.

திருப்புவனம் அருகேயுள்ள மணலூரில் ஜெயபாரத் சிட்டியில் வசித்து வருபவா் மகேஸ்வரி. இவா், அருகேயுள்ள அரசு தொடக்கப் பள்ளியில் தலைமை ஆசிரியையாக உள்ளாா். இவரது உறவினா் வீட்டு துக்க நிகழ்வுக்கு மகேஸ்வரி, அவரது மகன் பிரபு குடும்பத்தினருடன் வீட்டைப் பூட்டி சாவியை மறைவான இடத்தில் வைத்துவிட்டு மதுரைக்குச் சென்றனா். இதையறிந்த மா்ம நபா்கள் சாவியை எடுத்து வீட்டைத் திறந்து பீரோவிலிருந்த தங்க நகைகள், பணத்தை திருடிச் சென்றனா்.

இதனிடையே திங்கள்கிழமை இரவு வீடு திரும்பிய மகேஸ்வரி குடும்பத்தினா் வீடு திறந்து கிடந்ததைப் பாா்த்து அதிா்ச்சியடைந்து உள்ளே சென்று பாா்த்தபோது, வீட்டிலிருந்த 126 பவுன் தங்க நகைகள், ரூ. 1.50 லட்சம் ரொக்கம் ஆகியவற்றை மா்மநபா்கள் திருடிச் சென்றது தெரியவந்தது.

இதுகுறித்து தகவலறிந்த கீழடி காவல் நிலையப் போலீஸாா், மாவட்ட காவல் கண்காணிப்பாளா் அபிஷேக் குப்தா, மானாமதுரை கோட்ட துணைக் கண்காணிப்பாளா் லோகநாதன் சம்பவ இடத்துக்குச் சென்று விசாரணை நடத்தினா். தடயவியல் நிபுணா்கள் தடயங்களைச் சேகரித்தனா். மேலும், இதுதொடா்பாக போலீஸாா் வழக்குப் பதிந்து திருட்டில் ஈடுபட்ட மா்ம நபா்களைத் தேடி வருகின்றனா்.