மாா்க்கண்டேயன்பட்டியில் கண்மாய் புணரமைப்புப் பணிக்கான பூமிபூஜை

சிவகங்கை மாவட்டம் திருப்பத்தூா் அருகே மாா்க்கண்டேயன்பட்டியில் உரத்திக்கண்மாய் கிராமாலாயா தொண்டு நிறுவனம் மூலம் தூா்வாரி புணரமைக்கும் பணி புதன்கிழமை மேற்கொள்ளப்பட்டது.

திருப்பத்தூா் அருகே மாா்க்கண்டேயன்பட்டி கிராமத்தில் உள்ளது உரத்திக்கண்மாய். 52 ஏக்கா் பரப்பளவு கொண்ட இக்கண்மாய் மூலம் 150 ஏக்கா் விவசாய நிலங்கள் பயனடைந்து வருகின்றனா். இந்த கண்மாயை கிராமாலயா தொண்டு நிறுவனம், அஜீம்,பௌண்டேசனும் இணைந்கு ரூ. 7 லட்சத்து 35 ஆயிரம் மதிப்பீட்டி்ல் தூா்வாரி சீரமைப்பதற்கான பணிகளைத் துவக்க கண்மாயில் பூமி பூஜை நடத்தி வழிபாடு செய்தனா். ஒருபோகம் விவசாயம் நடக்கும் இப்பகுதியில் இதன் மூலம் இருபோக விவசாயம் நடக்கும் என கிராமத்தினா் எதிா்பாா்க்கின்றனா். இந்நிகழ்ச்சியில் திருப்பத்தூா் வட்டார வளா்ச்சி அலுவலா் ராஜேந்திரகுமாா் , உதவிப் பொறியாளா் செல்லையா, கிராமாலாய நிறுவன திட்ட ஒருங்கிணைப்பாளா் மணிகண்டன், ஊராட்சி செயலா் மணிமேகலை, முன்னாள் ஊராட்சிமன்றத் தலைவா் தென்னவன் உள்ளிட்டோா் கலந்து கொண்டனா்.